蘇媽.蘇媽馬來西亞茶餐室 (已結業)

喺香港如果想食马拉菜的话，我一定会拣苏妈苏妈, 早几日又凉咗，想揾个地方有碗热汤饮，就醒起去加连威老道嘅苏妈苏妈,由于我哋去到嘅时候仲系好早，本来想喺外面So Bar饮杯野,不过朋友话想留肚饮肉骨茶,我哋首先嗌咗一个猪脚湾肉骨茶,一份咖吔多士,一份高佬面配鸡扒,饮品方面我叫咗杯柠檬薏米水，朋友就拣咗杯桔仔话梅水! 猪脚湾猪脚肉质够腍而且冇骨,猪皮又已经煮到软腍腍得来又有种入口即溶嘅感觉，而且份量唔少！由于肉骨茶可以免费添饮，所以我哋都饮咗大概五六碗！饮完之后全身暖笠笠好适合冬天饮用！餐厅仲有教我哋肉骨茶嘅饮用方法饮用四部曲，不妨可以参考吓！咖吔多士烘得香脆,咖吔酱配埋牛油甜而不腻,记得要趁热食!高佬面配鸡扒, 鸡扒煎得外皮香脆，而且仲大有肉汁,配有一只温泉蛋，仲有花生鱼仔之类嘅配菜,将温泉蛋同面捞埋一齐食，非常惹味