泰屋

营业中

休息中

朋友屋企人系泰国人，又曾经开过泰国餐厅，推荐泰屋食船面，就算今日T3都要嚟试吓。泰式牛肉船河-河粉好似系揾粉面厂独家限量制，同香港鱼蛋河、越南牛肉河嘅河粉口感截然不同，半透明嘅外表，入口顺滑而烟靭，仲挂满汤汁添！配料除咗有牛肉片，仲有牛丸、猪膶、通菜、芽菜、香叶，同埋比牛肉更适合做主角嘅炸猪皮。$48 非常超值！皮蛋炸虾饼-皮蛋有少少溏心，加上爽口弹牙嘅虾饼，点埋开胃嘅酸甜酱，忍唔住一件接一件，眨吓眼清晒成碟。