津記車仔麵 (已結業)

呢间就系我人生食过最好味嘅一间车仔面！先讲佢个环境，新净！问老板，原来间餐厅都系啱啱开咗两个月。𩠌同酱汁嘅选择，我觉得比起一般多。我自己叫咗碗麻辣猪肠、炸鱼肉、春卷、柱候牛腩同牛柏叶出前一丁，汁就拣咗沙嗲酱。佢啲𩠌真系好高质！春卷好脆口！牛腩几乎旧旧都带筋！至于麻辣猪肠真系唔系讲笑，超级辣！食到我出晒汗，钟意辣嘅朋友必试！如果想加辣，枱面亦都有辣菜脯。我老公就叫咗碗牛腩、冬菇、鸡翼、牛柏叶伊面。佢个冬菇又系我强推，劲入味！$60都唔使就有高质车仔面连嘢饮，好嘢，一定要推介！唔单止嘢食高质，职员嘅服务态度亦都系一流！亲切友善，宾至如归。