影片
更多
2023-08-08
995 浏览
🍽 地道馆车仔面 (新蒲岗)📍 新蒲岗崇龄街42号地舖✨临飞之前等谂住同朋友嚟个快聚，时间有限就系朋友公司附近食，见到一间好光亮整洁嘅车仔面，价钱合理兼抵食，就一于Try Try佢✨ 三𩠌面（40元）(每加一款多8元 热饮加＄5 冻饮加＄7)(有5款汤底、8款面底、超过30款𩠌)🍽 柱侯牛腩、卤水鸡中翼、萝卜加秘制汁(辣) 油面 配冻奶茶少甜牛腩好入味好淋，一定有花功夫研究，接近入口即化，又有香浓嘅腩汁味。卤水鸡中翼同样好入味，鸡翼比起平时食开车仔面嘅再大只好多。萝卜大大件，唔会煮到太淋，而系入味得来仲要好清甜，又多汁。呢个攞返我俾一百分💯 冻奶茶方面，叫咗少甜，又唔会淡咗味，茶香同奶味都重嘅。职员建议秘制辣汁另外上，可因应个人口味加，好贴心嘅建议。食得辣嘅可以叫中辣，原本汤底已经好正，加埋秘制辣汁就更加惹味。🍽 咖喱鱿鱼、牛柏叶 、麻辣猪肚，咖喱汁 油面 鱿鱼好似酒楼嘅咖喱蒸土鱿，咖哩味好重，超香。牛柏叶好厚切，食落一啖一满足。平时食猪肚好怕好大阵猪腥味，今次嘅猪肚我觉得好好食，冇腥味之余又煮得好淋又好入味。呢个系餐厅嘅推介𩠌，绝对冇介绍错！豆浆 +$7好重豆香味，而且冇豆渣，好易入
📍 新蒲岗崇龄街42号地舖
✨临飞之前等谂住同朋友嚟个快聚，时间有限就系朋友公司附近食，见到一间好光亮整洁嘅车仔面，价钱合理兼抵食，就一于Try Try佢
✨ 三𩠌面（40元）
(每加一款多8元 热饮加＄5 冻饮加＄7)
(有5款汤底、8款面底、超过30款𩠌)
🍽 柱侯牛腩、卤水鸡中翼、萝卜加秘制汁(辣) 油面 配冻奶茶少甜
牛腩好入味好淋，一定有花功夫研究，接近入口即化，又有香浓嘅腩汁味。卤水鸡中翼同样好入味，鸡翼比起平时食开车仔面嘅再大只好多。萝卜大大件，唔会煮到太淋，而系入味得来仲要好清甜，又多汁。呢个攞返我俾一百分💯 冻奶茶方面，叫咗少甜，又唔会淡咗味，茶香同奶味都重嘅。
职员建议秘制辣汁另外上，可因应个人口味加，好贴心嘅建议。食得辣嘅可以叫中辣，原本汤底已经好正，加埋秘制辣汁就更加惹味。
🍽 咖喱鱿鱼、牛柏叶 、麻辣猪肚，咖喱汁 油面
鱿鱼好似酒楼嘅咖喱蒸土鱿，咖哩味好重，超香。牛柏叶好厚切，食落一啖一满足。
平时食猪肚好怕好大阵猪腥味，今次嘅猪肚我觉得好好食，冇腥味之余又煮得好淋又好入味。呢个系餐厅嘅推介𩠌，绝对冇介绍错！
豆浆 +$7
好重豆香味，而且冇豆渣，好易入口。
🍽Juicy猪扒
个名冇改错，真系Super Juicy😋😋😋
两大块，一上碟吓亲，因为呢个小食$33 Only，好抵食呀！
✨ 服务方面:
职员好殷勤工作，充满笑容同干劲，欣赏
———————————————
评分: (5⭐️最高)
味道:⭐️⭐️⭐️⭐️⭐️
环境:⭐️⭐️⭐️⭐️⭐️
打卡:⭐️⭐️⭐️⭐️⭐️
再访:⭐️⭐️⭐️⭐️⭐️
#chillyummi_新蒲岗 #foodiehk #Eeeeeats #FoodPhotography #Delish #foodiegram #foodielife #igfoodie #hkfoodies #新蒲岗美食 #新蒲岗好去处 #车仔面 #车仔面关注组
张贴
