Cafe REVOL

营业中

休息中

女朋友听朋友讲话 CafeREVOL既卡邦尼意粉好正，我会钟意食，今日就同我去左Café Revol 食个Lunch。去到见到系工业风装修，地方唔算好大但系好干净整洁，好在我地早去唔驶等位就入到去。世一Revol 卡邦尼烟肉意粉叫佢世一真系一D都唔夸张，首先黎到见到个卖相已经流晒口水，蛋方面应该都系用”晓”蛋，出边一盒晓蛋成50几蚊一盒，呢度用晓真系诚意十足。芝士味好够，烟肉唔会好咸，味道平衡啱啱好，份量都好足够，诚意推介。烟肉蛋酸种面包Brunch有菜有肉，平冲返只系得肉既油腻感，薯仔上有盐，带出薯仔香味。烟肉唔系平日薄薄既烟肉，好有口感，好钟意食呢款烟肉。Latte手冲咖啡，奶同咖啡中和左个苦味，冇酸味，好饮。Tonic Fresh Lemon Ade女友好钟意饮酸野，呢个饮完个人好清新，成杯野好有柠檬香味，又唔会太多冰，卖相好有夏日感觉。希望下次可以再去试下个全日早餐。