有得餃 (已搬遷) 新店位置

搬咗入嚟元朗都三四年喇，对上一次食就系啱啱搬入嚟无几耐，佢啲饺除咗名目比较多之外，味道其实无乜特别，印像中个饺皮好似仲几厚吓添，最正其实系佢个汁啫，今日睇报纸见到佢有份搞快餐车，先至令我醒起佢嘅存在。不过唔知系咪因为用咗啲人手去搞快餐车嘅关系，佢哋呢间舖嘅人手明显有啲紧张，做仔嘅喺厨房密密做之余，仲要出埋楼面招呼人客，真系戥佢辛苦；妈咪就主要负责楼面，人年纪大咗手脚自然就无咁爽㗎啦，阿仔见到阿妈手脚慢就喺度诈哂型，不留情面咁样喺啲客面前燥阿妈。嗌咗个秘制酱汁捞面，加咗四只蒜香莴笋猪肉饺，个面嗌咗中辣，个秘制酱汁酸酸辣辣咁劲开胃，蒜味又够哂重，个饺食到粒粒爽口嘅莴笋粒，不过如果猪肉嘅比重多番啲我相信会更好食，个饺皮 keep 住都系咁厚，呢个就系我几年后先再嚟第二次嘅主要原因喇。不过不得不赞口水鸡上面用醋腌过嘅蒜头粒，令到个口水鸡生色不少。