莫云

营业中

休息中

知道大角咀有间新酒店，其中高级中菜馆刚开张，梗系要带要做个孝顺女，带妈咪去试吓。中菜馆用咗新派木系设计，环境宽敞，唔会好似平时啲酒楼咁密咁嘈。一入到去，待应好热情咁推介我哋独有嘅荞麦茶，用好靓嘅玻璃器皿装住，仲好细心用烛台一路保温。另外有合桃酥同紫菜腰果做餐前小食，好有心思。餐单都有唔少特色点心，我叫咗黑松露烧卖王，手磨红米肠粉，啤梨咸水角，蟹肉菜苗饺，小笼包，高汤海参灌汤饺等等。烧卖嘅黑松露味好香；灌汤饺嘅汤好清甜，仲配埋又肥又厚嘅海参；红米肠粉外脆内软，口感非常好；咸水角卖相好精致，打卡都打咗好耐。最后叫多咗个龙虾汤泡饭，摆盘好有心思，味道又浓又香。酒店嘅中餐厅水准真系特别高，点心餐单都好有惊喜，想做乖仔乖仔女嘅，你哋都一定要带屋企人去试吓！