嚐喜大不同特色餐廳小廚

营业中

休息中

世界级早餐见系33蚊份早餐，香港地都冇乜，炮台山更加唔洗讲，真系好少有。胆粗粗入到去，想揾个位都几容易嘅搭枱就得啦，入面有好多圆枱好多街坊喺度食紧早餐。拣咗一阵，想食嘅蕃茄通就冇啦，求其食咗个早餐呢，即系火腿鲍片通粉加杯冻柠茶。另外再嗌多个沙嗲牛面。等咗10分钟终于到咗个沙嗲牛面，哇真系不得了，好老式嘅沙爹牛面，牛肉霉晒，仲要系冻嘅，要沙嗲味冇沙嗲味，要牛味冇牛味。真系好耐未食过咁难食嘅沙嗲牛面。跟住到火腿鲍片通粉，谂住呢啲实冇死难食极都有个谱挂，点知又系冻，又冇味，啲通粉变晒型，摆明烚咗喺度好耐，唔知有冇几日几夜，真系世界级难食。已经冇招呼，又等得耐，虽然平，唔代表要俾啲咁难食嘅嘢客食㗎。下次比多几蚊去隔离间茶仔食仲好。