嚐喜大不同特色餐廳小廚

营业中

休息中

我是肉餅控⋯在餐廳廳吃飯通常都會點肉餅自問對肉餅有點講究只想講這裏的剁椒肉餅真大癲！！肉嫰多汁 輕微的辣味非常刺激食慾這是一種特別的配搭令人留下深刻印象❤️非常好送飯！！煲仔飯也不錯其他小菜一般般餐廳太大 服務員未能照顧所以食客有被忽略的感覺🥲但我仍會因為這肉餅再來光顧！

🇭🇰嚐喜大不同特色餐廳小廚·冰鎮咕嚕肉(大)$210呢間我好耐之前食過佢個北角分店 不過今次再食我就覺得野食差左🫢🫢最好味都係個咕嚕肉 佢呢個份量仲係好多 而且咕嚕肉肉質好好 冰鎮完之後個皮好脆 食落口感好好🐷🤤·鹹魚肉餅煲仔飯$85 l 紅燒野菌豆腐煲$80 l 懷舊蝦多士(5件)$78佢個鹹魚肉餅唔錯既 不過個煲仔飯偏乾 而且無咩飯焦🫢個野菌豆腐煲就正正常常 不過個蝦多士就真係麻麻 佢個多士好油 而且個蝦都比較細隻🙊🙊·#rbyeat#rby港式#rby天后 #rby炮台山·📍天后水星街5-7號地舖

好凍好凍，好想食煲仔飯🥶就咁睇個名，唔知佢哋同西環嗰間嚐喜有冇關係㗎呢？🤔餐廳都幾full，大家都係食煲仔飯～不過注重乾淨衛生人士可能未必適合嚟，因為總會有1,2隻曱甴仔係你視線範圍中遊走，唔介意就OK🙈✴️冰鎮咕嚕肉✴️雖然放耐咗都仲係好脆，但都係普通嘅咕嚕肉好食啲～依個肉嘅油味較重，甚少甜酸汁，欠缺咗咕嚕肉應有嘅開胃酸甜感覺☹️✴️金銀蛋白菜✴️好食！湯夠濃味，炸蒜係隱藏嘅主角，識食一定食炸蒜🧄✴️芥末香煎牛扒✴️同預期中有出入，芥末沙律醬質地濃杰，食落都幾攻鼻👃🏻但沙律醬太多又太杰，如果凍咗更會漿住一pat pat，有點太膩～抵讚係牛扒份量幾多，而且唔係醃到軟冧冧無口感嘅肉👍🏻✴️冬菇滑雞煲仔飯✴️等咗有30分鐘，話係用炭爐燒🔥雞肉多但冬菇得中間一粒🥲所以飯係無仼何冬菇味的，可惜～飯焦好易刮起，飯粒亦夠乾爽分明，再多啲豉油會更好食！

趁住早兩日天氣又凍返🌀梗係要捉緊食煲仔飯🍲嘅機會啦，今次就來到位於天后嘅小菜餐廳《嚐喜大不同特式餐廳小廚》，聽聞呢度嘅煲仔飯係用炭燒，之前都有朋友來過，飯後都一致好評👍另外，餐廳除左煲仔飯出名之外，仲會有各式各樣大排檔嘅小炒。提提大家，來呢度食飯最好預先book枱，因為當晚我地六點坐低之後，隔左一陣已經差唔多坐滿曬。同埋餐廳要預留食材，有啲餸菜需要前一日打電話去留定。~🤩梅菜肉餅飯(HKD85) & 白鱔排骨飯(HKD90)煲仔飯嘅份量唔係好大，唔大食嘅話，一煲夠一個人食。我同女朋友兩個人就決定一人叫一煲再另外叫個小菜試下。先講下煲仔飯上面嘅餸先，調味恰好，唔會掩蓋到食材本身嘅鮮味，相信係餐廳對自己挑選新鮮食材嘅信心。到主角煲仔飯，我覺得廚房師傅係有用心去烹調，因為用炭燒嘅情況下，啲米飯粒粒分明，唔會太多水一「pat」亦唔會太乾身。當然，煲仔飯其中一個主角「飯焦」都非常出色，咬落香脆可口，但又唔會太燶。我地兩個眨下眼就食曬兩煲飯。🤩大不同小炒皇(HKD108)我地驚唔夠飽所以就叫多碟小炒皇試下。用料豐富，蝦仁同蝦乾size都唔細，調味略厭重味左些少，不過用來送啤酒嘅話重味些少亦無不可。

凍冰冰除左打邊爐，仲要可以揀食煲仔飯！諗左好耐食邊間，因為九龍同港島都有選擇！朋友提議去港島，佢話一定要食嚐喜，不過6點去唔到西環，基本上係等2個鐘先食到，所以，我地決定去北角，6點半到，運氣好好，我地有位坐🥹🥹🥹 Lucky us!!言歸正傳，即刻叫左個滾豬肚胡椒雞湯，冰鎮咕嚕肉，2個煲仔飯，滑雞臘腸飯，另一個係鱔魚飯，最好加多個椒鹽豆腐😛豬肚胡椒雞湯不得了，暖笠笠，簡直係救命恩物之後上嘅係冰鎮咕嚕肉係我真係食過最好味嘅咕嚕肉！內脆外軟，真係人世間的美食🥹🥹🥹我食左半碟！個人推薦大家一定要食！之後就係主菜煲仔食飯！記得黎到要焗一焗，自己加豉油，咁先可以食到飯焦🥹🥹🥹真係好正呀！個人喜愛滑雞臘腸多過鱔魚多啲因為我真係好唔鍾愛咁多細骨😂😂😂但味道是不錯的！全晚失色之最就係呢個，唔夠脆，唔夠滑 大家食2舊就放低左筷子。除左呢個唔係太岩我地口味，其實所野都好好！

難得一日去天后附近做嘢，約咗個客10 點，不過我未到九點已經到咗，無所事事咁不如去食嘢先。就係附近有間茶記叫大不同，個名咁不同就不如試下。一入餐廳感覺有啲昏暗，仲隱隱約約有種異味，不過氣味唔算濃都可以接受，只係冷氣好似唔多通風咁。自己搵位坐低，枱櫈有啲痴立立。成個場目測只有一位女侍應，收錢執碗抹枱送餐一腳踢，我打個招呼佢叫我等等，咁人哋唔得閒我又有時間，咪等下無所謂，點知一等10 分鐘，見佢繼續做佢既嘢仲得閒同熟客吹水，完全無打算理我，咁我又嗌聲佢，答案都係等等，不過今次真係等兩分鐘就過嚟。點咗個早餐沙爹牛肉麵，煎蛋腸仔，熱擰茶。見廚房師傅水吧又係得一個人，咁即係又唔會快，果然又係一等十幾分鐘終於個餐嚟齊。沙爹牛肉麵：沙爹夠香濃可惜啲牛肉梅梅爛爛一pat，咬落佢仲淋過豆腐，好奇怪質感，有啲牛肉會硬身啲，懷疑有啲係隔夜翻煮變到淋之之，反而個麵好似未煮熟咁仲幾硬身。腸仔應該係大陸或者中東貨，唔確定但就唔係香港人食開嗰啲。煎蛋無咩好評論，普普通通。個奶茶就真係熱過熔岩，好彩我唔趕可以慢慢飲，茶味都可以，但奶太多。花咗廿幾分鐘等餐再用三十分鐘食完，唔知算唔算耐，不過食完啱啱好去見客再食。原本一

夥計個個黑口黑面，個老闆又唔安排座位，一味叫個客喺度企。 其他乘客想叫夥計仲慘過叫的士，冇人會理。有一個客坐大枱，可能係大客，咁先會有夥計招呼。 最後我喺門口等咗10幾分鐘，明明有六七張枱冇人坐，佢哋都唔安排我入座，谷鬼氣唔食。 差

今日我終於鼓起左勇氣，去咗食脆卜卜的肉絲炒麵（因為我怕熱氣）廚師好有heart，加了咗紅蘿蔔、雲耳、兩片🍄菇….落去！因為平時嗰啲銀芽肉𢇁炒麵，只有銀芽及肉絲，沒有其他配料的！這個不得了炒麵⋯⋯真係唔係一個簡單的炒麵！👍🏻一定會再有下次！我下午茶時段食$40，仲有杯嘢飲，我估全個天后⋯⋯都好少搵到咁平！平唔係一個重點，好食😋係一個亮點！

本身係諗住食附近嘅一間餐廳但係冇開到 臨時轉食呢間 點知又幾唔錯喎😆✨臘腸滑雞煲仔飯 $88啲雞都滑同幾多舊 臘腸幾香👍 個飯焦做得啱啱好 唔會太燶 脆卜卜👍✨啫啫芥蘭煲 呢個都好好食 啲芥蘭整得幾乾身 軟硬度啱啱好👍 有啲蝦乾味道好香✨芥末牛柳粒 呢個幾特別 個芥末味都整得幾好 好濃郁 牛肉幾淋 仲有啲腰果 洋蔥 椒等顏色好靚好吸引😋口感都好豐富總括黎講味道都好好👍 我地平日兩個人坐一張大枱 佢多數都係啲大啲嘅圓枱 適合一大班人黎聚下味道❤️❤️❤️❤️💔抵食❤️❤️❤️💔服務❤️❤️❤️💔環境❤️❤️❤️💔晚餐人均～$190(收+1)

門面唔算特別，侍應佈局好有大排檔feel，繁忙時間需要等位，等位時間有啲長，但係非常值得。好正！食物質數出奇地有驚喜，試咗脆皮牛腩，啫啫芥蘭煲，臘腸滑雞煲仔飯。脆皮牛腩，半肥瘦，油脂香濃，炸漿脆皮非常鬆脆，撈埋鹹蛋黃，味道層次豐富，口感鬆脆肉質軟滑，令人有入口即溶嘅錯覺。啫啫芥蘭煲用芥蘭苗，配埋蝦乾，惹味爽脆。臘腸係廣東臘腸帶甜，好味，煲仔飯飯質啱啱好唔啱唔軟，有勁多飯焦，鍾意飯焦嘅人必食，煲仔飯豉油味道適中唔太鹹，非常之好食。姐姐們好細心，係上菜時間慢啲，等嘅時間比較長，因為太多人嘅關係，但係好嘅食物係值得等待嘅。

每次想食煲仔飯+小菜就想起嚐喜大不同，天后有煲仔飯的餐廳不多，是家煲仔飯也是非常有風味，夠火喉。不過因為即叫即做，等待時間長，要當天非常有空才行，也要碰運氣，在沒人排隊時才幫襯。真的非常街坊🤭…油鴨滑雞煲仔飯 - 白飯未乾就上枱，放豉油再焗一分鐘就熟得剛好。油鴨的油滲進飯粒，非常有油香，亦好滋潤滑雞，整體非常美味。有一點飯焦，不過燶，剛好，想吃飯焦得來算健康一點。剁椒排骨 - 微辣，排骨肉質軟熟，回味香酥腐皮墨魚卷 - 墨魚以腐皮包裹再炸。頭一兩啖腐皮酥脆，不過墨魚肉比較薄，不夠口感。但放久了腐皮開始變得有點過硬，最後只好放棄腐皮淨食肉。所以必須即食，而且人多一點分享會更好。

今日上午與家人去食早餐，點餐時已經話冇炒蛋都算，原本點左沙嗲牛肉麵，之後又話冇，要改食五香肉丁麵，但追左好多次先比到我。要多士又冇多士，要改餐包。之前點左凍咖啡，一直都冇黎過，最後家人衝左去水吧問佢地拎。其實同一時間亦有好多客投訴啲食物好長時間都冇比到佢地食到差唔多走之前，仲要比個侍應串，唔鍾愛食可以走😡😡😡雖然大不同早餐係比較抵食，$33起，但這不是應有的服務態度。未試過早餐要食超過1個鐘。沒有下次。

之前天氣突然轉凍，又餓又冷，我突然想起煲仔飯，於是在開飯 App 上找到了一家在天后站附近的煲仔飯專門店。這家店叫做「嚐囍大不同冰室特式小菜館」看起來很不錯。我點了一份煲仔飯和一份招牌菜「𣲙鎮脆皮咕嚕肉」。煲仔飯裡面有著香噴噴的飯香，米飯煮得剛剛好，加上煲製的特殊風味，讓我吃得非常過癮。而「𣲙鎮脆皮咕嚕肉」也相當美味，外皮酥脆，內部熱騰騰的，口感非常棒。此外，我還點了一份雜菜煲，裡面有各種新鮮的蔬菜，煮得十分入味，口感清爽又下飯。店員的服務態度非常好，讓我有一個愉快的用餐體驗。這家煲仔飯專門店的菜品豐富，味道也很不錯，值得一試。如果你也想品嚐正宗的煲仔飯，不妨來這家店試試看。

世界級早餐見係33蚊份早餐，香港地都冇乜，炮台山更加唔洗講，真係好少有。膽粗粗入到去，想搵個位都幾容易嘅搭枱就得啦，入面有好多圓枱好多街坊喺度食緊早餐。揀咗一陣，想食嘅蕃茄通就冇啦，求其食咗個早餐呢，即係火腿鮑片通粉加杯凍檸茶。另外再嗌多個沙嗲牛麵。等咗10分鐘終於到咗個沙嗲牛麵，哇真係不得了，好老式嘅沙爹牛麵，牛肉霉晒，仲要係凍嘅，要沙嗲味冇沙嗲味，要牛味冇牛味。真係好耐未食過咁難食嘅沙嗲牛麵。跟住到火腿鮑片通粉，諗住呢啲實冇死難食極都有個譜掛，點知又係凍，又冇味，啲通粉變晒型，擺明烚咗喺度好耐，唔知有冇幾日幾夜，真係世界級難食。已經冇招呼，又等得耐，雖然平，唔代表要俾啲咁難食嘅嘢客食㗎。下次比多幾蚊去隔離間茶仔食仲好。

哈囉大家好，今日小編嚟到特色餐廳小廚試嘗佢哋嘅招牌菜式－冰鎮咕嚕肉同鮮蝦炸米餅。首先，冰鎮咕嚕肉非常爽口，口感唔會過份油膩，仲有淡淡的甜味，更加提升咗食欲。而鮮蝦炸米餅就更加驚艷啦，外層炸得香脆，鮮蝦鮮甜彈牙，好開胃呀！加埋啲辣椒醬一齊食，令人難以忘懷。不得不提小廚嘅服務，員工態度親切，令人好有家的感覺。環境亦好舒適，令人放鬆。總括而言，小廚嘅招牌菜式真係好味，啱晒啱晒嚟到試下，大家有機會一定要黎試下呀！