Okashi Galleria x Calbee Plus (已結業)

Calbee相信各位一定由细食到大，由一包包零食做到实体店面，更开到黎香港，即炸香喷喷 热辣辣，真系吸引到一大班卡乐B迷去朝圣。话明香港店，一定要有返个香港区限定既口味。香港特色口味避风塘香辣味。今次我就拣左波浪大切。因为人比较多，所以见到都有薯片炸定放左系度。当落左单之后先会去调味，唔好睇好似细细碗，但份量都好多，而且每块都好完整好大块，调味粉岩岩好，够辣又唔会死咸。而且薯片好新鲜好脆，又唔会好油腻。食到lamlam脷，但2个人share就岩岩好啦，如果1个人可能会有点儿多。即炸原味薯条，呢个简直系世界第一既薯条，新鲜炸起外脆内软，薯蓉夹杂左小小杂菜粒。一筒有大约超过20条，份量都唔少。真系未有试过比它更好食既薯条，觉得薯条比薯片更出色。