影片
更多
2021-03-26
1207 浏览
同老公扭计话好想食法国菜,所以老公二话不说就BOOK左呢间同我庆祝白色情人节, 老公提过Joël Robuchon系全世界米芝莲星级总数最多既主厨，又曾教导出不少名厨，其中最有名既弟子就系Gordon Ramsay, 我未出发就已经好期待呢一餐! 餐厅装潢利用红黑做主调, 同我想像中传统法式餐厅既布置好唔同, 而系走一种时尚简洁既STYLE 却不失气派~ 侍应带位一入去最先会见到一啲少量对住平台景既dining table 位， 之后主要空间都系BAR 枱位置, 而BAR枱区中间系一个开放式厨房, 食客就可以近距离欣赏烹调过程, 将隆重的法国菜和极讲席前体验的日本料理合而为一~今次老公BOOK左BAR枱位置, 我地一坐低就有一大篮既bread basket 出现系面前, 骤眼望落去,起码都有5-6款面包, 份量同款式数量都好impressive~我心谂一定系摆左好耐啦, 点知一摸上手仲系热既!!!!! 仲要好软熟!!!! 每一款包都有各自既特色同风味, 味道都唔错, 单单餐前面包既诚意都好加分啦~本身老公想叫个龙虾意粉俾我试, 成日食米芝莲而味觉疲劳既佢试过都话几唔错~但我想叫个”M
餐厅装潢利用红黑做主调, 同我想像中传统法式餐厅既布置好唔同, 而系走一种时尚简洁既STYLE 却不失气派~ 侍应带位一入去最先会见到一啲少量对住平台景既dining table 位， 之后主要空间都系BAR 枱位置, 而BAR枱区中间系一个开放式厨房, 食客就可以近距离欣赏烹调过程, 将隆重的法国菜和极讲席前体验的日本料理合而为一~
今次老公BOOK左BAR枱位置, 我地一坐低就有一大篮既bread basket 出现系面前, 骤眼望落去,起码都有5-6款面包, 份量同款式数量都好impressive~我心谂一定系摆左好耐啦, 点知一摸上手仲系热既!!!!! 仲要好软熟!!!! 每一款包都有各自既特色同风味, 味道都唔错, 单单餐前面包既诚意都好加分啦~
本身老公想叫个龙虾意粉俾我试, 成日食米芝莲而味觉疲劳既佢试过都话几唔错~但我想叫个”Menu Signature” (HKD$2180 pp) 试下啲经典招牌菜先, 所以打算下次中午再黎试个意粉~
1.Welcome Appetizer
我俾佢强烈既咸鲜风味吓亲, 三点绿色既芥末,带住白芦笋既清新,三文鱼子既甘香,同埋面豉既咸香, 直冲上我既脑门, 最后系我鼻腔回荡!呢种体验的而且确系几过瘾! 但我就觉得有啲过咸,搞到要饮好多水去冲走啲味,怕会影响我品尝下一道菜~不过卖相而言,港女既我觉得打卡一流啦HAHA~
2.Le Caviar Imperial
承接上一道甘香咸鲜既开胃, 呢一道名菜我相信好多人都唔陌生,一挖落去,见到中间夹著龙虾啫喱，最底层系鲜甜既皇帝蟹肉, 一口食出3种口感，3种鲜味! 配埋篮入面既面包食都非常过瘾呀~
3.La Truffle Noire
呢道菜我系最钟意!最底层系一块煎到两面都金黄脆口既米饼，加入薄薄几片咸香既芝士，黑松露同米饼之间收埋左一只好的色既温泉蛋，所有野一次放入口，融入口腔,成件事都几邪恶~
4.Le Homard
用菠菜包住鲜甜弹牙既龙虾肉，同埋煎过既龙虾钳，龙虾肉质同鲜味无懈可撃, 但我就麻麻地喜欢伴碟既红酒汁啦~
5.Le Saint Pierre
放低碟,青咖喱同椰子味扑鼻而来，鱼肉承接番上一道龙虾, 都系比较实净~
6.La Caille
我唔食牛所以拣左鹌鹑，咸甜咸甜既外皮煎得非常脆, 加上中间酿左我最爱既鹅肝, 但系鹅肝既香气就稍为逊色左少少啦。伴碟既薯蓉，4个字香滑浓郁! 停唔到口呀~~~
7.La Poire & La Chocolat
同老公share 甜品, 一啖香浓既朱古力mousse cake, 一啖清爽既啤梨mousse, 好好食~ 啤梨mousse 仲要用干冰底上, 又系一道值得打卡既仙气甜品~ HAHA~
Perfect Ending~ 佢个Madeleine cake外脆内软, 唔会死甜!
张贴
