穴 (世貿中心) (已結業)

周二晚约咗旧同事八点半晚膳，太阳未落山就收得工o既小肥就即兴咁揾契妹食个下午茶，喺世贸行紧街街o既佢就提议去三楼间「穴」度食鱼生。餐店装潢时尚，间隔开扬通爽。墙上o既金鱼图案极之可爱，而且仲好醒神添。细问下先知原来「穴」于午餐后系冇落场时间o既，下午茶时间都照常营业，餐牌上o既鱼生熟食都一样可以点。埋位后，二人先点咗杯冻饮解解暑。香橙宾治（$58）：橙味特饮清新爽甜，喝毕确真凉快不少。小肥因有下场，所以就简单要咗客鱼生前菜、火炙卜口寿司、炸豆腐、及两条串烧。章红鱼薄切黑松露带子（$128）：前菜有七件以章红鱼薄切垫住带子及黑松露o既潮派刺身组合，外表很是吸引。晶莹剔透o既章红鱼薄切质感爽润，配上鲜甜o既带子又多咗份嫩脆，顶面以黑松露点缀更能提升芳香，美妙极！配角海藻沙律爽脆得黎散发著阵阵柚子香，一样咁好味。火炙吞拿鱼腩寿司（$110）：火炙吞拿鱼腩寿司入口即溶，香浓肥美又软熟，！炸豆腐（$48）：炸豆腐层炸皮薄而松软，方形豆腐砖亦幼嫩滑溜。串烧鸡皮（$28）：串烧鸡皮香口得黎一啲都唔油腻，属送酒佳品也。串烧鸡软骨（$28）：串烧鸡软骨干巧又够脆卜卜，掂呀！XO仔经常准时收工，除咗可以畅