南蛮亭

营业中

休息中

南蛮亭系日本东京过江龙居酒屋，佢哋嘅餐厅环境都几阔落，食物同饮品选择亦都算多，食物质素亦都好好，系一个同朋友聚会嘅好地方。今次我哋去就试咗以下嘅嘢食：- 枝豆($40)- 烧鳕鱼棒($45)- 荔枝猪肉卷($40串）- 烧鸡中翼($45串）- 自家制鸡丸串($45串）- 芦笋猪肉卷($45串）- 厚切牛舌($78串)- 芝士翠玉瓜($30串）- 白蘑菇($28串）我个人最钟意嘅就一定系厚切牛舌，牛舌嘅厚度啱啱好，火候亦都控制得好好，食落去爽口嫩滑，有牛香，配上恰到好处嘅调味，好好食！自家制鸡肉丸亦都系必试嘅菜式，鸡肉丸有免治鸡肉同埋鸡软骨组成，口感丰富，嫩滑又带少少爽脆，配埋酱油蛋黄酱，食落非常惹味。芦笋猪肉卷都好有惊喜，爽嫩个芦笋，配埋烧到香脆嘅猪腩肉，口感好有层次，非常唔错！整体来讲，佢哋嘅串烧都好有水准，而且价钱唔算贵，想同朋友饮返两杯食吓串烧嘅话，南蛮亭绝对系一个好嘅地方！