影片
更多
2017-05-01
1936 浏览
筲箕湾东大街云集各式各样美食，想突围而出并不容易，一系食物特别，一系价钱相宜，又或者噱头十足都可以抢到客。今晚2个女仔，谂吾到食乜野好，甘岩皇苑做紧宣传，知客好热情介绍，本住一试无妨心态。由于夜晚六点未到，所以连我地得三枱客，岩晒吹水，隔离枱又系2个女仔一路食一路吹。呢间铺吾算大，酒楼间格，茶记价钱，而且好多热门推介，浄系拣𩠌都花左15分钟。首先上枱系粉丝蒜蓉蒸带子，28大元一只，火候岩好，带子肥美多汁，鲜甜无比，比酒楼有过之而无不及，直情想叫多转。之后系酥炸坑腩，牛味十足，另附上咖喱汁一大碗。清食时，香脆，牛坑腩肥瘦适中，所以唔会因为炸而感觉牛肉干同老，反而更加有肉汁。如果食得辣可以点咖喱汁，又系另一番风味，咖喱汁一路系牛肉好配搭，外辣肉脆，双重口感，由于咖喱汁比较多，仲可以叫个白饭捞汁食，一举两得。女仔点少得食菜呢个指定动作。腐乳牛肉通菜，牛肉薄切，但片数吾少，不过略嫌吾太够味，可能近排吹紧健康风，要食得清淡。最后来碟特色虾多西，本人至爱，虾肉新鲜，所以爽脆，下面面包脆到一咬落去听到声，但感觉吾油腻，不过食完都有些少罪恶感。即刻饮多2杯茶消脂下。值得一提，虾多士上面放左一片芫茜作为
今晚2个女仔，谂吾到食乜野好，甘岩皇苑做紧宣传，知客好热情介绍，本住一试无妨心态。由于夜晚六点未到，所以连我地得三枱客，岩晒吹水，隔离枱又系2个女仔一路食一路吹。
呢间铺吾算大，酒楼间格，茶记价钱，而且好多热门推介，浄系拣𩠌都花左15分钟。
首先上枱系粉丝蒜蓉蒸带子，28大元一只，火候岩好，带子肥美多汁，鲜甜无比，比酒楼有过之而无不及，直情想叫多转。
之后系酥炸坑腩，牛味十足，另附上咖喱汁一大碗。清食时，香脆，牛坑腩肥瘦适中，所以唔会因为炸而感觉牛肉干同老，反而更加有肉汁。如果食得辣可以点咖喱汁，又系另一番风味，咖喱汁一路系牛肉好配搭，外辣肉脆，双重口感，由于咖喱汁比较多，仲可以叫个白饭捞汁食，一举两得。
女仔点少得食菜呢个指定动作。腐乳牛肉通菜，牛肉薄切，但片数吾少，不过略嫌吾太够味，可能近排吹紧健康风，要食得清淡。
最后来碟特色虾多西，本人至爱，虾肉新鲜，所以爽脆，下面面包脆到一咬落去听到声，但感觉吾油腻，不过食完都有些少罪恶感。即刻饮多2杯茶消脂下。值得一提，虾多士上面放左一片芫茜作为装饰一齐炸，食正呢排芫茜风，抽水抽得靓，对于我地芫茜迷来讲，如果多几条芫茜伴碟，视觉上可能更完美，味觉上更满足。
是晚，捧住个肚走，但价格相宜，经开东大街朋友不妨一试。
张贴
