影片
更多
2017-03-01
1111 浏览
自从啲餐厅进驻入厂厦，就多咗嚟观塘区食饭，渐渐去工厂区揾食都变得一啲都唔陌生，而且，工厂区内真喺卧虎藏龙。差唔多半年前同朋友食完饭，话迟啲再约过贺圣诞，讲讲吓农历年都过埋，卒之都约得成事，造就今晚嘅饭聚。虽然厂厦内嘅餐厅，一向俾人嘅感觉都好大好阔落，但入到嚟i Kitchen，有种厂厦「小店」嘅感觉，因为地方无想像中咁大，一室以黑色为主格调，衬白色餐枱，配点蓝色霓虹光，带点玄幻，感觉又有啲似间酒吧。由于全店配备真皮梳化椅，其实，都几好坐。虽然整体环境较昏暗，但装置咗唔少聚焦灯，枱上又有小烛台嚟营造气氛，所以，不失情调。晌等候友人期间，细阅一下餐牌，分门别类为前菜、小食、汤品、意粉 / 意大利饭、主菜、甜品及饮品。其实亦有晚市套餐供应，4道菜，包括前菜、餐汤、主菜、甜品及餐饮，定价于$188-$346，视乎所选嘅主菜。不过，惠顾主餐牌中嘅意粉、意大利饭、主菜，都可以加$48变成套餐，即喺有埋前菜、餐汤、甜品及餐饮，非常划算。香脆鱿鱼圈 $68本来都无谂过点小食，不过，店长推介依一味鱿鱼圈，话好多熟客试过都会再食，亮点喺佢哋会用新鲜鱿鱼做，果然，啲鱿鱼入口喺鲜甜柔软好多，加上脆浆唔太厚，又
虽然厂厦内嘅餐厅，一向俾人嘅感觉都好大好阔落，但入到嚟i Kitchen，有种厂厦「小店」嘅感觉，因为地方无想像中咁大，一室以黑色为主格调，衬白色餐枱，配点蓝色霓虹光，带点玄幻，感觉又有啲似间酒吧。由于全店配备真皮梳化椅，其实，都几好坐。
虽然整体环境较昏暗，但装置咗唔少聚焦灯，枱上又有小烛台嚟营造气氛，所以，不失情调。
晌等候友人期间，细阅一下餐牌，分门别类为前菜、小食、汤品、意粉 / 意大利饭、主菜、甜品及饮品。其实亦有晚市套餐供应，4道菜，包括前菜、餐汤、主菜、甜品及餐饮，定价于$188-$346，视乎所选嘅主菜。不过，惠顾主餐牌中嘅意粉、意大利饭、主菜，都可以加$48变成套餐，即喺有埋前菜、餐汤、甜品及餐饮，非常划算。
香脆鱿鱼圈 $68本来都无谂过点小食，不过，店长推介依一味鱿鱼圈，话好多熟客试过都会再食，亮点喺佢哋会用新鲜鱿鱼做，果然，啲鱿鱼入口喺鲜甜柔软好多，加上脆浆唔太厚，又香脆。就连伴碟嘅沙律都无「求先」，既落咗浓香嘅意大利黑醋调味，又刨几片巴马臣芝士做靓个卖相，好食，抵食！
香脆鱿鱼圈
$68
14 浏览
1 赞好
0 留言
紫薯蓉汤（厨师餐汤） $28平常食亲西餐，都会有个感觉喺啲是日嘅厨师餐汤都喺啲平淡见惯见熟嘅款式，但多口一问今晚个「例汤」喺乜，估唔到喺紫薯蓉汤，无错，喺汤嚟，唔喺甜品，一身艶紫高贵嘅外表，呷一口，紫薯味极之突出，加上幼滑嘅口感，有份清甜润和嘅感觉，好有惊喜嘅厨师餐汤。
紫薯蓉汤
$28
16 浏览
1 赞好
0 留言
友人问究竟喺中汤定喺西汤？其实喺西汤，但木瓜做嘅西汤真喺未试过，所以，好奇之下又点嚟试。外观唔讲仲以为喺南瓜汤，小弟黐一口试试，口感同样幼滑，木瓜味好浓郁，但味道偏甜有少少似食紧糖水。
白酒牛油煮美国马拉蚬 $118店长晌递餐牌俾我哋时，都有略作介绍，佢话不时有新鲜货返，今日其中一样就喺依款美国马拉蚬，小弟都喺第一次接触，故然有啲好奇，点一客试试质素喺点？一客都有好多只，堆到成个小山咁，以香草酱抹一抹做个装饰，份外清新。马拉蚬本身都几大只，蚬肉够晒肥大肉厚，入口带点牛油及洋葱香，咬落柔软，咸鲜嘅感觉充满海洋味道，随之渗出淡淡白酒香，确喺令人回味。
白酒牛油煮美国马拉蚬
$118
16 浏览
1 赞好
0 留言
香草虾汁鲍鱼意大利饭 $168识我嘅人都知我钟情意大利饭，晌小弟嘅食评中亦不时见有意大利饭登场，因为一般意大利粉都有个建议时间煮几耐，连我见已晌屋企煮都好少失手，但意大利饭就未必人人煮得好，一喺煮过笼无咬口，一喺煮得唔够火喉太生。眼前嘅「香草虾汁鲍鱼意大利饭」以两个大蚌壳装住啲饭，4只鲍鱼绝无欺场，单喺卖相已够晒刹食。饭粒入口充满鲜虾味，口感湿润，且带烟韧感，煮得非常好食；鲍鱼亦炆得软腍，但不失咬口，鲍味十足，个饭认真超赞。
香草虾汁鲍鱼意大利饭
$168
20 浏览
1 赞好
0 留言
低温慢煮美国牛仔肋骨 $200肉类亦喺好喜爱嘅食材，早前晌上环嘅Upper Modern Bistro试过一道牛仔肋肉（去骨全肉慢煮）超好食，今晚再遇上，自然勾起之前美味嘅回忆不少。不过，i Kitchen嘅做法喺原条连骨烧，跟住再切片连骨摆好放晌石板上，配以甚有艺术美嘅伴菜，睇落赏心悦目。牛仔肋肉非常软腍，又够肉味，边位带焦香，沾少少烧汁，真喺一流享受。
低温慢煮美国牛仔肋骨
$200
34 浏览
1 赞好
0 留言
自家制焦糖苹果批伴云呢嗱雪糕 $68本来都好饱，无打算嗌甜品，但喺有心水嘅苹果批，又怎能错过，点一客共享过过口瘾都好。批壳以酥皮做，甘香酥脆，内里卖满苹果果，果肉清鲜软绵，味道渗有少少焦糖香，如果俾多少少玉桂就更啱我心水。伴以云呢嗱雪糕，一热一冻，食得够爽。
鲜奶咖啡 $26唔好怪我老套，真喺餐后，再加上合口味嘅甜品，真喺唔可以唔衬番杯鲜奶咖啡，咖啡睇外貌觉得喺机冲，幸而咖啡保持到𠮶份醇香。
临走时晌门口拎咗张单张睇睇，午餐就帮衬唔到嘞，原来星期六有做早午餐（11:00am-3:00pm），个全日早餐仲可以拣多少款配料，非常有弹性㖞，有机会都想走嚟试试！
服务上无疑好贴心，不时添水，换碟，而且，上菜嘅碟，就连咖啡杯只碟，都喺热过嚟，感受到服务上啲细节都好用心。环境几舒服，价位亦唔贵，让大家有称心满意嘅一餐！
张贴
