影片
更多
2013-10-16
1123 浏览
今日同朋友行开铜锣湾，闷闷地佢介绍我睇套<<被偷走的五年>>，出黎成11点几，佢又话肚饿想食宵夜！真系比佢激死，两个男人一齐睇爱情片，仲要一齐食埋宵夜！！！无计，唯有打算随便找间粉面档，点知佢又话想食越南野真系麻烦！老实讲，我虽然都几钟意食越南汤粉，不过铜锣湾有边间特别出名既越南食店我就真系唔太清楚。好彩佢都有做功课（？！），带左我上名堤，入到去见个场几冷清，都惊惊地：唔会中伏挂？ 我唔想睇完套好戏转头食埋Ｄ难食既野返归 T_T坐到落黎，四围望下个环境其实唔错，昏暗既灯光夹埋浅啡色为主既装修，格调唔错，不过两个男人就有Ｄ怪怪地（暴汗）。由于我心如鹿撞（误）既关系，叫野食既时候就随朋友叫左个烤牛肉捞檬，无叫我最钟意食既火车头！间餐厅既设计都用左几多心机，我同朋友坐系玻璃隔离既四人座度，听Ｄ侍应讲玻璃系单面既，即系我地望到外面，而外面望唔到入黎，其实而家唔少餐厅都会系呢种细微既地方做Ｄ贴心既服务，不过唔讲出黎既话，客人未必会留意到店家既用心！店舖内仲有不少竹叶既摆饰同越南风味既挂饰，成个氛围都唔错，听朋友话角落仲有个吧台同隔间，可以比钟意睇波既人成班一齐吹水
真系比佢激死，两个男人一齐睇爱情片，仲要一齐食埋宵夜！！！
无计，唯有打算随便找间粉面档，点知佢又话想食越南野真系麻烦！
老实讲，我虽然都几钟意食越南汤粉，不过铜锣湾有边间特别出名既越南食店我就真系唔太清楚。好彩佢都有做功课（？！），带左我上名堤，入到去见个场几冷清，都惊惊地：唔会中伏挂？ 我唔想睇完套好戏转头食埋Ｄ难食既野返归 T_T
坐到落黎，四围望下个环境其实唔错，昏暗既灯光夹埋浅啡色为主既装修，格调唔错，不过两个男人就有Ｄ怪怪地（暴汗）。
由于我心如鹿撞（误）既关系，叫野食既时候就随朋友叫左个烤牛肉捞檬，无叫我最钟意食既火车头！
间餐厅既设计都用左几多心机，我同朋友坐系玻璃隔离既四人座度，听Ｄ侍应讲玻璃系单面既，即系我地望到外面，而外面望唔到入黎，其实而家唔少餐厅都会系呢种细微既地方做Ｄ贴心既服务，不过唔讲出黎既话，客人未必会留意到店家既用心！
店舖内仲有不少竹叶既摆饰同越南风味既挂饰，成个氛围都唔错，听朋友话角落仲有个吧台同隔间，可以比钟意睇波既人成班一齐吹水饮酒，不过呢方面我就无咩兴趣，静静地享受呢种越南气氛下先系我想要既感觉（但系最好唔系同男性朋友囧）。
可能无咩人既关系，捞檬好快就到左，烤牛肉唔错，有香味，最重要系佢既汁，系用鱼露做底加埋店家既秘方整，非常适合普遍香港人既口味，虽然无佢地系ＦＢ上（我有做后补功课）讲到冲破味蕾咁恐怖，但系甜甜地同埋可以带出捞檬既味道特色，搞到我一唔小心就倒左半支ＸＤ个捞檬既份量非常多，作为宵夜黎讲有Ｄ多，D紫椰菜同红萝卜丝好似唔驶钱咁一大堆，不过最夸张系Ｄ烤牛肉，有六到七旧，食完我个口都有Ｄ累！
整体黎讲算唔错，不过终归唔系正餐，如果下次有机会，我会想系晚餐既时候食多次，我见佢有个生虾刺身好似几吸引，都系＄９８左右。
埋单系我朋友比既(唔好误会!)，所以大概几钱就唔多肯定，不过两个人好似一百有找，系铜锣湾食越南野呢个价钱都算唔错！可能系因为楼人舖所以先咁少人，所谓酒香都怕巷子深嘛！
张贴
