影片
更多
2012-02-01
17 浏览
过了Happy Hour，食饭时间，为倾计同饮啤酒，喺沙田新城市无选择，唯有去和民等位。7：15pm 攞飞，侍应姐姐话要等over一个钟。8：20pm 番去重有10几个先到，再行15分钟番去，点知突然间跳咗好多张台，过咗成10个。唉！咁你咪罚我地啰！唔洗由头再排过下吗？此时系8：35pm，侍应姐姐要我地再攞飞，同依家先嚟嘅人一样再排过？！最终我地等到9：30pm 先有位，total2个钟头15分钟！我谂哩次系我地最后一次帮衬噜！其实食店当然可以有自己嘅等位规则，关键系食物质素又或价钱系咪值得等啰。。。2人叫咗：和风一口牛 ＄59~ 无牛味，可能忘记落盐，加萝卜蓉原本系一番好意，但系与牛同吃，淡上加淡，要加大量附送酱汁，可选烧汁或柚子汁。三文鱼刺身 ＄53~ 普通过普通，唔肥美，唔系厚切，无鱼味。海老蟹肉丸子 ＄36~ 一口咬下三份一个，居然无食到任何馅料，莫讲蟹肉，连忌廉都少得可怜，索价连加一＄40/4个，十蚊一粒，哩刻真系有被骗感觉。天妇罗乌冬＄53~ 乌冬、天妇罗分开摆，唔会淋。乌冬弹牙，汤好味，系唯一赞好食物，可惜天妇罗份量奇少，制法亦只系脆浆绝对唔系天妇罗。虾连脆浆只有中指咁大
2人叫咗：和风一口牛 ＄59~ 无牛味，可能忘记落盐，加萝卜蓉原本系一番好意，但系与牛同吃，淡上加淡，要加大量附送酱汁，可选烧汁或柚子汁。
三文鱼刺身 ＄53~ 普通过普通，唔肥美，唔系厚切，无鱼味。
海老蟹肉丸子 ＄36~ 一口咬下三份一个，居然无食到任何馅料，莫讲蟹肉，连忌廉都少得可怜，索价连加一＄40/4个，十蚊一粒，哩刻真系有被骗感觉。
天妇罗乌冬＄53~ 乌冬、天妇罗分开摆，唔会淋。乌冬弹牙，汤好味，系唯一赞好食物，可惜天妇罗份量奇少，制法亦只系脆浆绝对唔系天妇罗。虾连脆浆只有中指咁大，小型冬菇重要1分为2，小型青椒又要1分为2，加珍贵矮瓜一片。早知通胀压力大，哩刻感受至深。
Asahi啤酒（大）$39~ 一坐低即叫，但系全部嘢食嚟齐后10分钟都未到，问咗两次先出现！
台同台距离甚近，说话内容一清二楚，但系环境干净，灯光适中，10点后邻台走咗，其实都几好坐嘅。可惜洗手间喺商场另一边十分远，有D唔方便。
张贴
