101手工涮涮鍋 (已結業)

星期五黎打边炉，限时两个钟。入坐起计，唔理你齐人未，两个钟即俾人催走。环境唔算迫，但比较嘈。服务算唔错，侍应都细心讲解个餐包d咩，同埋都主动换碟。入坐后有前菜任食，有麻辣手撕鸡同莲藕两款。火锅汤底都算多选择，拣左冬瓜卜卜蚬汤底。大大旧冬瓜，仲几多蚬添。但可惜，个汤冇鲜味，连d蚬都有泥味，唔好食值得一赞系个牛，真系坚好食，牛味重，又唔会韧，仲有d油脂添，好香。可惜只得一碟，追加要$178。另外有D手工野，包括响铃同黄金鱼皮，真系几吸引。不过都只系得头一转，仲要系每样一粒架咋。食完呢D唔够，仲有其他火锅配料任食，不过d配料就真系太普通了，不值一提。唯一可食既系稻庭乌冬同长蟹柳啰。不过佢任饮既饮品就比较特别，有沙冰，水果茶，仲有珍珠奶茶架。埋单成$360一个人，真系太贵了。虽然话食手工野，但只系得一转，呢个价钱真系唔系太抵食，试过就算了。