I Love 戟 - 班戟專門店

营业中

休息中

大学舍堂指定活动系一年一度环岛游，成班人深夜时份由西环踩单车到太安楼开餐，到今日都依然印象深刻。而对于筲箕湾一带﹑非凌晨时段营业嘅店铺，可以话系一无所知(・▽・）。终于系日照时份黎到东大街朝圣一下。今晚明晚都会介绍附近嘅小店，方便大家黎扫街可以一次过食哂佢地～❝焦糖炖蛋雪糕班戟❞ ($32)系店家嘅招牌餐点～焦糖炖蛋细滑嫩口，奶香蛋香丰富，面层焦糖微脆。望见厚厚一件而带微温嘅焦糖炖蛋，幸福感满满。班戟皮够湿润﹑厚薄适中﹑口感烟韧（钟意薄脆口感饼皮嘅朋友就未必会咁钟意），两者配合起上黎令人不得不佩服发明依个combo嘅人类。底层雪糕属正常发挥。完食超满足！𓂃𓈒 𓂂𓏸 I Love 戟 𓏸𓂂 𓈒𓂃 @iiilovepancake 筲箕湾东大街76号地下C号舖港铁筲箕湾站B1出口，一出出口直接抵达星期一至日13:30–21:30营业𓂃𓈒 𓂂𓏸 用餐提示 𓏸𓂂 𓈒𓂃周末下午等待时间大概为20分钟，周边有空地范围可以企埋一边享用。（落单时尽量唔好问问题，直接落单就好，店员姐姐有少少唔耐烦HAHAHA）𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃餐点味道 | ♥︎♥︎♥︎♥︎♥︎♥︎♥︎♥︎♥︎♡抵食指数 | ♥︎♥︎♥︎♥︎♥︎♥︎