桔梗 (已結業)

旺角钵兰街一直系传统红灯区，但近期越来越多小店进驻，而呢间门面米白色，落地玻璃嘅日系餐厅就好吸睛。 走进餐厅，就好似去左一间悠闲coffee shop咁，两层高嘅楼底，摆放疏落嘅木台凳，墙边装饰柜放满精致小摆设，加上轻松嘅音乐，营造出舒适恬静嘅感觉，同出面嘅烦嚣相映成趣。 餐点方面，本来想试下关西风寿喜烧套餐，可惜遇著禁晚市😣，就试下其他午市食物先。 ❤ 明太子锅烧乌冬配炸吉列和牛（$168）吉列牛柳份量都唔少，而且比较厚，啖啖肉口感比较有嚼劲。乌冬弹牙，同明太子捞埋一齐几鲜味。入面两大块腐皮索晒d汁，味道好香浓。 ❤ 桔梗和牛Combo（$158）包括日本A4黑毛和牛肉燥饭同溏心蛋，同埋两件日本A4黑毛和牛三文治。成个set摆盘好靓，肉燥质感好松软，而且多汁，捞日本米好开胃😋。三文治系正方形细细件咁，好易入口，中间炸和牛好厚身，五成熟软硬度啱啱好，而且多士烘得好脆，非常香口👍。另外仲有两碟腌萝卜，系酸酸甜甜嘅开胃小食。