桔梗 (已結業)

前排去到呢间台湾cafe桔梗，夜晚餐牌选择唔多，主要都系食炖饭，如果晏昼嚟嘅话餐牌就会多啲种类可以拣。 龙虾罗勒坚果炖饭炖饭食落有非常浓既香草味，酱汁颇多，个饭索晒酱汁所以食落比较湿润，不过都仲保持到al dente烟烟靱靱嘅口感。配料有超多份量既龙虾肉，啖啖肉好足料，而且有海水鲜味，绝对对得住个价钱，只系略嫌唔够爽口，食唔到一梳梳龙虾肉既口感。不过建议晏昼或者同朋友share嚟食，因为份量都几多，一个人食晒就会饱得滞喇。 松露菇威士忌蓝莓炖饭呢个炖饭配料唔太多味道亦都偏淡，另外由于酱汁都几稠杰所以食落都几济。松露菇几清香，不过放埋蓝莓落去令到成个饭整体有少少怪，食落味道唔系太夹。同上面个炖饭一样份量都几大，建议同朋友share嚟食。 桔梗奶昔叫得格梗奶昔应该都系招牌作啦，原来系士多啤梨奶昔，不过当然唔系金拱门𠮶啲啦，呢个俾到惊喜㖞，士多啤梨味超级超级天然，一啲人工糖浆味都无，饮到系好天然，淡淡既生果甜味，配埋少少朱古力糖浆同埋面头既忌廉同玛利饼都唔会甜，奶昔嚟讲又几出色。 人均消费：$220推介指数（10分为满分）：7.5分