周明園潮州粉麵餐廳

营业中

休息中

赶住落大埔买𩠌，怱忙食个晚餐先，左谂右谂，咖哩王？家乡鸡？沙龙？苑记？学利？太兴？是鬼但，最紧要快，周明园啦 ﹗又满座，好采有个独独位啫。鱼蛋牛肚面走葱，好贵㖞，咁就 HKD31 蚊喇？ 点解周明园会无伊面食架？算数，食普通面啰。碱水面质地微爽又无碱水压味，挂汤力几好，配上辣椒油几好食，合格。毛肚劲棉滑弹牙呢，炆得十分香甜入味，高质 ﹗大大粒鱼蛋鲜味浓郁，咬落弹弹的，好味噃。鱼蛋只得两粒，好明显鱼蛋贵过牛肚好多啦。