影片
更多
2013-09-14
34 浏览
6月份收到呢间公司o既电邮,邀请7月到佢o地新开o既呢间分店试食,但由于我唔想试食前预先被佢o地知道而整得更好食畀我,令我要写好评,于是提议我食完后,以电邮作凭证(之前几间试食我都系咁样做.)点知佢o地搅个大型试食会,所以我唔参加.到月头,店方又send e-mail畀我,话凭我o既电话号码加佢畀o既密码,o系9号至13号任何一日,任何时段(至少早一日订枱),会获得$300.00 coupon试食,食多过呢个数目,就要自付,少过就冇找赎.而去到入座时,要先同店员讲o左先(咁咪同上面讲o既试食一样?),于是我又回覆提议可唔可以食完至讲?店方坚决话唔得.好,既然你咁坚持,我遵守你o既游戏规则,不过,味道同服务分我都会减0.5分.最后我book o左寻晚(13-9-2013 Fri)同男友o黎食,当然book枱时我未讲系试食.我o地o黎到时系7:05pm左右,都唔系好多人,女侍应畀o左一张靠墙o既四一枱我o地,坐低放好晒o野同畀埋一壶茶之后,我就同佢讲我系试食,然后佢都问我o既电话号码同密码.搅掂后就睇menu点菜,好不容易下,我o地点o左:1. $42.00o既牛汁汤面估唔到系第一个o黎,
到月头,店方又send e-mail畀我,话凭我o既电话号码加佢畀o既密码,o系9号至13号任何一日,任何时段(至少早一日订枱),会获得$300.00 coupon试食,食多过呢个数目,就要自付,少过就冇找赎.而去到入座时,要先同店员讲o左先(咁咪同上面讲o既试食一样?),于是我又回覆提议可唔可以食完至讲?店方坚决话唔得.好,既然你咁坚持,我遵守你o既游戏规则,不过,味道同服务分我都会减0.5分.
最后我book o左寻晚(13-9-2013 Fri)同男友o黎食,当然book枱时我未讲系试食.
我o地o黎到时系7:05pm左右,都唔系好多人,女侍应畀o左一张靠墙o既四一枱我o地,坐低放好晒o野同畀埋一壶茶之后,
我就同佢讲我系试食,然后佢都问我o既电话号码同密码.搅掂后就睇menu点菜,好不容易下,我o地点o左:
1. $42.00o既牛汁汤面
估唔到系第一个o黎,重连埋相中下方o既雪菜同上,而睇到汤o既颜色好深.食吓雪菜先,我已经唔系食贴到辣椒o个部份,但都依然系辣,所以我都冇再食,亦冇加入碗面o度.好,食面喇,面o既份量系一人两撮o度,再细心睇,睇到都有落辣椒油,食喇!面质爽口带少少蛋同面粉味,而啖汤呢,味道系好浓郁,好似到我真系想饮晒佢,而佢o既辣度唔系好高,几o岩我胃口,所以我觉得好好食,亦食到唔停口,男友都大赞呢个好味.
注: Menu上阐述,台湾牛肉面走牛肉.
味道: 4.3分
2. $52.00o既黄瓜海蜇皮
呢个系男友点o既,都唔明点解佢会拣呢个咁普通o既o野,由于到o黎时,我o地重系食o紧牛汁汤面,冇耐就下一个蟹黄小笼包就到o黎,由于小笼包唔可以摊太耐,之后啲热食又陆续送到,所以呢个要迟迟至食.开头食o既时候,觉得麻油都几多,不过食到底就好似冇乜,或者系我食o左下面o既辣皮蛋后,食佢戒辣时食唔到吧.
讲返佢o既口感,我觉得唔算好爽,青瓜丝唔甜.咁细碟同咁普通就要$52.00,好唔值㖞.
味道: 2.3分
3. $46.00四只o既蟹黄小笼包
话明小笼包就梗系细细只啦,
呢个热腾腾o既,先唔醺醋食,咬开后汤汁非常丰富,
食到点点o既蟹黄味,而馅料呢?我觉得加o左啲蟹肉,口感唔似只有猪肉咁咁实.而食第二个时醮少少醋,味道都被佢盖过喇,所以我觉得食呢个系唔使醺醋.
味道: 4分
4. $28.00四只o既熔岩小笼包(朱古力)
一睇就知o架喇,因为馅料特别深色,影完相又食快快食喇,否则顶部会干,影响口感.咬开o黎食时,流心朱古力饀热腾腾,
真系要小心烫口,朱古力味道浓但唔太甜,包皮明显厚啲,感觉似食朱古力汤丸.包皮点解要厚啲?估计系惊佢会穿,流晒呢啲饀出o黎.味道: 2.5分
5. $28.00o既赤豆松糕
呢个同熔岩小笼包,尖椒皮蛋一齐到,但我o地要留到最后食.先唔好讲味道,根据食家糖小妹o系呢篇食评http://www.openrice.com/restaurant/commentdetail.htm?commentid=2303303&tc=sr2&con=rvw形容’内里藏少许红豆蓉’’,我以为真系好少所以点,点知其实不太少.
幸好我请传菜留低呢个蒸笼盖畀我冚住,否则连微暖都冇.呢个食落,白色o既松糕味道淡淡的,口感似周街都买到o既云片糕,只系略为松少少,而甜就唔系好甜,要o赵o赵吓至食到米o既甜味,砷上o既赤豆系大粒但唔够腍,中间o既红豆蓉其实几厚,幸好甜度适中.
味道: 2.6分
6. $42.00o既尖椒皮蛋
一睇个名就知道系辣,两只切开四件o既皮蛋,围住中间超多o既花生碎,蒜蓉,辣椒同葱粒,净食时都已经食到辣味,但皮蛋味欠奉.当捞埋中间o个啲o野食,辣度当然会增加,但拌埋蒜蓉食就好食啲,味道冇咁单薄,系几特别o既.
味道: 3.5分
7. $32.00四只o既芋泥小笼包
同下面豆沙小笼包一齐到,我先食呢个,咬开睇,
芋泥颜色好浅,咁大家都应该知道中招,唔甜之余芋头味亦唔多够,只可以话芋头做得几软滑.皮就同熔岩小笼包一样啦.味道: 1.5分
8. $32.00四只o既豆沙小笼包
咬落去后,觉得个皮又好似唔同上面两只甜食小笼包咁,佢会黐到好薄,似北方水饺皮咁.
而豆沙馅甜度适中,冇乜问题.味道: 2.5分
男友话呢餐我o地被甜品塞饱,冇法啦,想试新奇o野嘛.
环境:
一入到去至坐低,都已经嗅到酸醋味.
座位阔落,但一路食,食到最后,觉得冷气唔多够.
卫生:
原本张枱同地下都好干净,但食食吓就有啲蚊滋飞o黎飞去,开o左都只系1,2个月,睇o黎佢o地要搅搅佢.
服务:
上菜速度超快,热腾腾o既小龙包一笼接一笼,甚至系几两笼一齐o黎到,根本食唔切,唯有上到最后o个转时,叫传菜o既留返个蒸笼盖畀我,冚住佢唔好吹冻晒.
抵食:
开得o系呢o度又搅咁多promote,预o左份量唔多.
而成张单o既银码系$347.50,同样虽然系试食,我仍会以正价畀分.
其他:
其实呢o度重有金牌小笼包,牛肉小笼包,翡翠瑶柱小笼包同香辣小笼包.
呢晚我遇上另外两枱同样应邀试食o既食客.
张贴
