Running 燒 (已結業)

发现咗一间可以丧烧海鲜嘅韩烧店，未见过一间韩烧店有咁多海鲜烧，仲要任食，叫几多就俾足几多，一啲都唔孤寒。今日主要狂攻四款海款，大虾、带子、扇贝、生蚝!!攻呀攻~~大虾，大只又弹牙，仲要冇黑头，睇到啲虾膏就知正带子本身已加左少少调味，光滑、柔软、有弹性，爽口又鲜甜，呢个系必食之选。加上烧得快，摆上去烧一烧，两面都好快封煎好，外皮脆口。扇贝，都唔细，连壳烧都要烧几耐下，系好食，但好考耐性。生蚝，好鲜甜，烧完都仲有好多蚝汁，要一淡饮埋佢先正，但都系要烧好耐。如果唔连壳烧，好快就熟，蚝汁尽失，所以要食好野都系花啲时间。丧烧~猪大肠系我嘅必食推介，如果系食猪大肠嘅朋友一定要试，厚度适中，好快就熟，最重要系烧完两边都好脆皮，好正好正阿珠妈靓汤，日日唔同。以为系颓汤，但今日系牛骨汤，好香浓牛骨味，饮左三碗。杂菜沙律，成块面咁大碗，出乎意料。不过我自己一个人食晒，一边食肉一边食沙律，烧完成餐都唔觉饱饱滞滞。韩式炸鸡，鸡肉几嫩滑，多肉汁。烤肥牛，刨得好薄，烧几秒就食得爽~最后有甜品，食韩烧最好当然配返韩国甜品，唔系好想食本地颓颓雪糕啰食完野，讲返个环境。一般韩烧店嘅装修，枱数唔多，得十几枱，要食就要预早