影片
更多
2022-12-15
329 浏览
同事一早买Bakehouse嘅挞做早餐系咩玩法？「见冇人排队。」佢咁解释。Ok，反正有食唔食，下句你驳埋落去啦。本人食嘢冇咁讲究，打算冻咗都照样啪落口（懒都系原因之一）。不过即刻俾人「小」暴殄天物，为咗平息众怒，死死地气去焗返热佢。唔焗由自可，一焗就「焗多个」、「加一」、「唔争在帮我焗埋」、「反正都系，顺便啦唔该」。霎时之间，此起彼落嘅声音，令我做咗好多人嘅阿四。Sourdough egg tart饼皮唔系牛油皮、唔系酥皮，口感比较近似葡挞；挞心冇一般蛋挞咁实在嘅口感，有少少🤏🏽食芝士挞𠮶种软心质感；味道带有焦糖味，甜度啱啱好，啱晒我何车（正写好似系合尺），好难唔好食😋。加上焗返热之后𠮶浸香气真系会扑鼻，颜色又好睇，五个字：色香味俱全👍🏾。如果个天可以畀个机会我用「色香味俱全👍🏾」去形容一个女优嘅话，我会同大家讲三个字，樱空桃。讲返正题：难怪日日咁多人去排队，亦好佩服佢哋嘅耐性同执著，钦敬钦敬。自问冇咩特别理由都唔会有毅力去排，相信总会畀我遇著唔使排都买到嘅时候，好似今日咁，遇贵人有口福，「多谢大佬。」🙏🏽
本人食嘢冇咁讲究，打算冻咗都照样啪落口（懒都系原因之一）。不过即刻俾人「小」暴殄天物，为咗平息众怒，死死地气去焗返热佢。
唔焗由自可，一焗就「焗多个」、「加一」、「唔争在帮我焗埋」、「反正都系，顺便啦唔该」。霎时之间，此起彼落嘅声音，令我做咗好多人嘅阿四。
Sourdough egg tart饼皮唔系牛油皮、唔系酥皮，口感比较近似葡挞；挞心冇一般蛋挞咁实在嘅口感，有少少🤏🏽食芝士挞𠮶种软心质感；味道带有焦糖味，甜度啱啱好，啱晒我何车（正写好似系合尺），好难唔好食😋。加上焗返热之后𠮶浸香气真系会扑鼻，颜色又好睇，五个字：色香味俱全👍🏾。
如果个天可以畀个机会我用「色香味俱全👍🏾」去形容一个女优嘅话，我会同大家讲三个字，樱空桃。
讲返正题：难怪日日咁多人去排队，亦好佩服佢哋嘅耐性同执著，钦敬钦敬。自问冇咩特别理由都唔会有毅力去排，相信总会畀我遇著唔使排都买到嘅时候，好似今日咁，遇贵人有口福，「多谢大佬。」🙏🏽
26 浏览
0 赞好
0 留言
Sourdough egg tart
46 浏览
0 赞好
0 留言
张贴
