意樂餐廳 (愛民商場)

营业中

休息中

个餐牌张相望落去几好，谂住一定冇死。结果个侍应姐姐一攞碟嘢过嚟……下？！白雪雪嘅？酱呢？好啦，谂住啲肉酱喺个碟底度，结果捞完都系有啲白雪雪嘅意粉喺个碟入面，个餐牌碟意粉有几咁红，碟嘢上到嚟就有几咁白。少失望。第一次见冻柠乐唔系放两片柠檬，系放柠檬汁，虽然都有柠檬味，但始终点都差啲😅另外朋友叫左个温泉蛋牛肉丼，卖相望落去几好，上面嘅洋葱偏生，朋友咬落口一啖就吐返出嚟。最后系个跟餐白汤，饮落去第一啖系一种熟悉嘅味道，就系759会买到嘅𠮶只粟米棒嘅味道，另外胡椒味都太浓烈。