板上 (中海日升中心) (已結業)

今次系我第二次食啦 第一次因为冇粗薯条所以叫咗薯格 今次见到有粗薯条就叫咗黎试吓 我个人觉得虽然薯格份量少啲但系比粗薯条好食 佢会跟两包番茄酱但作为茄酱焚化炉嘅我觉得有啲少 咁讲下个包 我叫咗安格斯牛肉汉堡 块肉好重牛肉味 加埋汉堡包果酱生菜同芝士 好好食 个包都唔系Hea你 佢唔系好似金拱门啲汉堡包皮咁淋啤啤 我外卖自取拎到返公司食个包仲系好挺 食完成个set我饱到上心口 跟餐叫可乐唔使加钱 但因为太饱同怕肥我俾咗同事饮 外卖自取计埋OpenRice个coupon先$60左右 好抵