Butcher & Baker Cafe (已結業)

呢间餐厅令我最surprised嘅系室内环境真系好有外国气息！入面好宽敞，甚至有休憩嘅地方比小朋友玩乐；而且中亭有个PizzaKitchen，门口又有个drink island，可想言之呢间餐厅占地几咁大。我最钟意佢个Ribs！一来好抵食，半份先200几蚊，价钱同一碟意粉先差唔多，但个份量多到我以为系一份！二来真系好好食，肉质好腍好腍，轻轻一推开就可以将骨肉分离，Soft到放入口会溶化，而且完全唔干，口味好湿润，烧烤酱好入味，渗透每一吋肉里头，呢个ribs真系暂时我食过最令我印象深刻嘅一个。Side dishes有薯条同沙律，同样贯彻美国菜嘅特色，就系份量好多！另外再叫咗个香蒜蚬肉意粉，呢个蒜香又唔系太浓，味道稍为清啲，不过配合蚬肉食系合理嘅，唔需要太多调味，以蚬肉嘅鲜味为主导，加啲车厘茄味道，整体来讲好Fresh，而且蚬肉相当多，并无偷工减料。最后order咗个农场Pizza，呢个就令我有少少失望喇，因为无一种令人印象深刻嘅味道，每样ingredient嘅味道都唔突出，芝士味都唔太浓郁，所以下次应该唔会叫pizza了。