影片
更多
2021-04-09
564 浏览
见到饮食男女介绍，条片话老板对于拉面好有热诚，而且坚持做街坊生意，话煮俾屋企人食咁，又讲到点整汤底，熬足8个钟，重点老板曾经日本学整拉面，所以抱著非常大期望过去。虽然openrice大食评都倾向于话个汤底好淡唔好食，但都坚持想自己亲身去试过先甘心，始终唔系自己个口食出黎都唔系个味嘢。第一次去既时候系下午4.，店员话已经卖晒，但我地都依然无放弃，觉得一定系太好食先早卖晒，所以第二日都再过去。谂住做定research系12.开门，仲要怕排队特登12.就走过去，点知门口就话改左做2.开门，唔紧要，我地等。周围行下终于等到2.，入到去既感觉就系，睇得出老板好钟意日本文化同埋好多figure，都真系有日本小店感觉。到呢一刻，虽然好诧异点解咁细间舖，而得10个位都唔够，店员包埋老板都有3个人，店员既比例系乘客既三分一，佢地一个人就可以serve到3个客，不过呢啲纯好奇，但我地觉得唔紧要，唔影响进食体验既，依然好满心期待。点知，当食物上到黎，就知道店员多真系有影响。首先就系个难以形容既压迫感，啲座位全部都系对住煮紧嘢既老板，佢间唔中会用个好串既眼神瞄下大家点食，而除佢以外个两个店员，因为冇嘢做，只可
虽然openrice大食评都倾向于话个汤底好淡唔好食，但都坚持想自己亲身去试过先甘心，始终唔系自己个口食出黎都唔系个味嘢。
第一次去既时候系下午4.，店员话已经卖晒，但我地都依然无放弃，觉得一定系太好食先早卖晒，所以第二日都再过去。谂住做定research系12.开门，仲要怕排队特登12.就走过去，点知门口就话改左做2.开门，唔紧要，我地等。
周围行下终于等到2.，入到去既感觉就系，睇得出老板好钟意日本文化同埋好多figure，都真系有日本小店感觉。到呢一刻，虽然好诧异点解咁细间舖，而得10个位都唔够，店员包埋老板都有3个人，店员既比例系乘客既三分一，佢地一个人就可以serve到3个客，不过呢啲纯好奇，但我地觉得唔紧要，唔影响进食体验既，依然好满心期待。点知，当食物上到黎，就知道店员多真系有影响。
首先就系个难以形容既压迫感，啲座位全部都系对住煮紧嘢既老板，佢间唔中会用个好串既眼神瞄下大家点食，而除佢以外个两个店员，因为冇嘢做，只可以成录木企系度等你食完再去收你个碗，而你食紧个阵，理所当然地佢地就系企系你隔离望著你食。可能好多人都唔介意，但我同伙伴都觉得俾三个人望著我地两个人食嘢唔多舒服，一举一动都被监视既感觉。
感觉呢啲嘢唔多讲因为真系见仁见智，但个面既味道真系搞唔掂。我地满心期待，摸足两次门钉都要食，但真系配唔上我地既期望之余，我地真系觉得 俾两个人既$120去食蓝店劣质金拱门麦炸鸡仲值过呢个拉面。
我地叫左个樱花虾既 同埋豚骨汤既，两个拉面都好淡好淡，樱花虾个只汤稍微好过豚骨汤少少但都唔好食架啦，而豚骨汤，以我脑海里面既词汇黎形容个味道，应该就系出前一丁麻油汤味，仲要再淡少少，应该系冇味精既出前一丁麻油汤呢个形容最贴切。而面就，店家声称系日本订制面，但就可能我地唔识欣赏，面冇面香而重点系一啲都唔挂汤。味精拉面宜家$30下午茶有一个拉面，回忆起个个味道，确实比$60一碗呢个价钱更值得食。讲健康本人并不健康，味精不味精而言，味道显然更加重要，毕竟日日出街食饭，避得一餐味精其他餐都避唔到，我宁愿食味精去换一个更加好既进食体验，而今次真系失望至极，黄蓝是政见，好食是良知。支持黄店，但唔好食既真系冇必要盲目追捧，用呢啲钱黎支持其他好食既黄店唔好俾佢地消失更加实际。
总括而言，面硬冇面香而唔挂汤，汤淡而食唔出任何韵味，话系出前一丁麻油汤实在唔过份，有3个人同时间死啤住你食饭，我就不了，这些机会，留俾其他人，个人冇下次。
张贴