影片
更多
2018-05-25
292 浏览
有朋友食过好味带我地去既，唔知我地早去定佢地点偏左啲，无乜客人。但啲野食又几好食，用心制作，人均食到饱都系一百蚊多啲，都几抵食，好想写一写食评帮下佢。首先讲个我觉得有惊喜既，佢个牛油果大虾焗饭，个样同个名好平平无奇，唔吸引，当初朋友话叫，我想反对，因为本身唔太钟意焗饭，但黎到又几好食啵，上面层㶶㶶地脆脆地既汁再夹杂住牛油果果香，比猪手更受欢迎。焗蚝系送既，挂住食无听佢讲点解送，但免费既野，都无hea我地啵，个蚝几大粒juice，芝士好香，店员搭嗲话个芝士都系用靓野。芝士牛排，我地叫左五成熟，牛味好香，芝士系用一个大芝士热溶佢，刮落去个牛上面，去之前我地仲话要影个gif ，但我地浪费左个芝士，因为我地挂住切个猪手同食个焗饭，无睇到佢刮芝士落去同影相呃like,仲要食个时已经冻晒，朋友们好钟意食个芝士，但我食牛得啦，对我黎讲士太浓，佢热住个芝士个时，好大阵芝士味，钟意芝士既朋友可以试下，但记住衬热食。猪手有猪手味，未食过咁脆皮既，肉好爽好易切，猪骨可带走煲粥。牛油果青瓜沙律，就系切左既牛油果青瓜同少少蕃茄仔，加左啲酸酸地既榄油汁，食食下口啖啖点左啲辣椒仔同黑椒食，味道即时提升几倍。一口牛利
但啲野食又几好食，用心制作，人均食到饱都系一百蚊多啲，都几抵食，好想写一写食评帮下佢。
首先讲个我觉得有惊喜既，
佢个牛油果大虾焗饭，个样同个名好平平无奇，唔吸引，当初朋友话叫，我想反对，因为本身唔太钟意焗饭，但黎到又几好食啵，上面层㶶㶶地脆脆地既汁再夹杂住牛油果果香，比猪手更受欢迎。
焗蚝系送既，挂住食无听佢讲点解送，但免费既野，都无hea我地啵，个蚝几大粒juice，芝士好香，店员搭嗲话个芝士都系用靓野。
芝士牛排，我地叫左五成熟，牛味好香，芝士系用一个大芝士热溶佢，刮落去个牛上面，去之前我地仲话要影个gif ，但我地浪费左个芝士，因为我地挂住切个猪手同食个焗饭，无睇到佢刮芝士落去同影相呃like,仲要食个时已经冻晒，朋友们好钟意食个芝士，但我食牛得啦，对我黎讲士太浓，佢热住个芝士个时，好大阵芝士味，钟意芝士既朋友可以试下，但记住衬热食。
猪手有猪手味，未食过咁脆皮既，肉好爽好易切，猪骨可带走煲粥。
牛油果青瓜沙律，就系切左既牛油果青瓜同少少蕃茄仔，加左啲酸酸地既榄油汁，食食下口啖啖点左啲辣椒仔同黑椒食，味道即时提升几倍。
一口牛利，成八蚊粒，但有机会会再食，因为好厚肉又爽又正，连个汁都饮埋。
磨菇汤好香鲜菇味，个包好食，唔知系咪自家制。
完。
张贴
