影片
更多
2015-06-29
2017 浏览
咁岩系观塘行完街上网揾下野食夜晚医肚，揾到呢间见佢有蚝食一于试试。订左7:30早左少少上去。环境就系工厂大厦餐厅，好大。可能系平日关系，无乜客人，7:30呢类食饭时间我地入到去都只系得一台客。睇完餐牌，叫左两只生蚝，三文鱼+甜虾刺身，鸡泡鱼干，海胆饭仲有个甚么浓猪骨汤薄切黑毛猪乌冬仲有杯价值大约$45既特饮。先上生蚝，叫左一只澳洲coffin bay一只美国pacific rock，可圈可点，生蚝冲唔干净食到成口都系壳。再黎系刺身，实则价钱唔记得，但一份三块三文鱼再加一份三只甜虾，呢碟刺身起码$150。甜虾无问题新鲜，三文鱼完全唔肥，直头系接近咬唔开既边缘。然后上海胆饭好似$160左右，系好抵食因为好多海胆同埋亦都新鲜。再上个乌冬，望落一般，好啦谂住食左再评论。所谓薄切猪，韧到香口胶咁我同男朋友都咬左耐先食完一旧。个汤完全唔是个回事，唔系浓唔知似乜，收我$100一碗日式乌冬，质素绝对系同系屋企开包味精面煮一样，勉强食左几啖放弃了。鸡泡鱼干，安全过关，唔需要加工直接叫货有order就放入炉焗。只系等既时间有少少耐，耐都我地都唔记得左有叫就谂住埋单闪。再讲讲佢杯特饮，无期待会超好饮但至少唔
环境就系工厂大厦餐厅，好大。可能系平日关系，无乜客人，7:30呢类食饭时间我地入到去都只系得一台客。
睇完餐牌，叫左两只生蚝，三文鱼+甜虾刺身，鸡泡鱼干，海胆饭仲有个甚么浓猪骨汤薄切黑毛猪乌冬仲有杯价值大约$45既特饮。
先上生蚝，叫左一只澳洲coffin bay一只美国pacific rock，可圈可点，生蚝冲唔干净食到成口都系壳。
再黎系刺身，实则价钱唔记得，但一份三块三文鱼再加一份三只甜虾，呢碟刺身起码$150。甜虾无问题新鲜，三文鱼完全唔肥，直头系接近咬唔开既边缘。
然后上海胆饭好似$160左右，系好抵食因为好多海胆同埋亦都新鲜。再上个乌冬，望落一般，好啦谂住食左再评论。所谓薄切猪，韧到香口胶咁我同男朋友都咬左耐先食完一旧。个汤完全唔是个回事，唔系浓唔知似乜，收我$100一碗日式乌冬，质素绝对系同系屋企开包味精面煮一样，勉强食左几啖放弃了。
鸡泡鱼干，安全过关，唔需要加工直接叫货有order就放入炉焗。只系等既时间有少少耐，耐都我地都唔记得左有叫就谂住埋单闪。
再讲讲佢杯特饮，无期待会超好饮但至少唔会谂到佢系用糖水开。明明叫左菠萝芒果沙冰，饮左一啖，饮唔出咩味净系得个甜字同埋好重cream。再饮，直头唔记得左自己叫左咩味😂因为好药水好甜好cream。
埋单，盛惠$598(已加一)。本身同男友都系做饮食业，有可能我地要求高，但好老实讲若然你餐牌定价系咁样，客人当然会有一定既期望。服务正常唔系特好亦唔系特别差。
只能说，咁既价钱，尚有大把选择。
中大伏了。
张贴