權八居酒屋 (已搬遷) 新店位置

对“权八”有期待，因名气响，分数高。叫咗两份串烧定食，另外加手打冷荞麦面与同行友人分享。串烧一次过摆到几似把扇好靓咁上枱，但同时意味师傅烧好第一样等另一样款，于是第一串食嘅系只微暖，一路食落去一丝热气都冇。由于唔热，就算材料靓都唔好味。最好系第一串食嘅安格斯牛肉，软腍有牛脂香，豚肉露笋都几多汁笋冇渣，大葱、青椒对一向喜爱青草气息嘅我印象还好，鸡肉、鸡肉棒调味差唔多冇特别。手打冷荞麦面食落几滑少弹，拌汁也咸淡得宜。甜品红豆糕几香滑。咖啡冇香气唔好饮。服务麻麻地，叫咗啲嘢好耐先应，应咗又唔做要再叫。返到去与同行友人同时双双肚泻，唔知系荞麦面嘅冰定甜品红豆糕嘅奶出事。又中伏了…😭