影片
更多
2017-04-17
609 浏览
将超级失望既心情沉淀左之后，好客观咁写返呢个极失望既食评男朋友系几个星期前发现呢间外观好靓既餐厅，咁就呢晚满怀期待咁去食夜晚7点50分都冇一半人，可能系假期啦心谂，要左一个dinner set，一份pancake brunch再要左啲饮品。dinner set既前菜有春笋，但老到起渣既，龙虾汤有西芹芫茜芥菜味，主菜既意大利饭最令人失望，200几蚊个饭入面有全熟/半生熟(内生外熟)/全生，3个口感; 鸭肝只系暖的，中间唔熟仍然流质既，饭面既黑莓汁令蘑菇既草青味好突出，仲有啲酸，系真系黑莓汁，冇打错字，黑莓汁微酸且有好重既果味。pancake 有不断出水既炒蛋，铺面后，第一块pancake 阵亡左。炒蛋被朱古力酱污染过后，不伦不类。烟三文鱼系冇可能有事既情况下，好正常。最ok既系伴碟沙律菜，淋菜既汁有小小醋味而且杰身但系甜得制，个汁唔ok。讲返pancake，一份4块都系阵亡1块啫，第2块切开点蜜糖食啦，蜜糖好香，系淋旧式港式西多士既蜜糖，我明白pancake一定系餐厅自己沟粉，心谂成100蚊既pancake差极有限，事实证明我又错左，pancake小水多面粉仲要有粘米粉，痴牙既panca
将超级失望既心情沉淀左之后，好客观咁写返呢个极失望既食评
男朋友系几个星期前发现呢间外观好靓既餐厅，咁就呢晚满怀期待咁去食
夜晚7点50分都冇一半人，可能系假期啦心谂，要左一个dinner set，一份pancake brunch再要左啲饮品。
dinner set既前菜有春笋，但老到起渣既，龙虾汤有西芹芫茜芥菜味，主菜既意大利饭最令人失望，200几蚊个饭入面有全熟/半生熟(内生外熟)/全生，3个口感; 鸭肝只系暖的，中间唔熟仍然流质既，饭面既黑莓汁令蘑菇既草青味好突出，仲有啲酸，系真系黑莓汁，冇打错字，黑莓汁微酸且有好重既果味。
pancake 有不断出水既炒蛋，铺面后，第一块pancake 阵亡左。炒蛋被朱古力酱污染过后，不伦不类。烟三文鱼系冇可能有事既情况下，好正常。最ok既系伴碟沙律菜，淋菜既汁有小小醋味而且杰身但系甜得制，个汁唔ok。讲返pancake，一份4块都系阵亡1块啫，第2块切开点蜜糖食啦，蜜糖好香，系淋旧式港式西多士既蜜糖，我明白pancake一定系餐厅自己沟粉，心谂成100蚊既pancake差极有限，事实证明我又错左，pancake小水多面粉仲要有粘米粉，痴牙既pancake好似食紧蒸小米糕咁，又或者系未发酵既白糖糕。冇论搽牛油或是落多啲蜜糖都冇办法提升pancake既口感，4块食剩1块半，真系咁大个女第一次遇上如此难食既pancake，我唔想浪费但真系痴牙，痴刀叉。恶梦丫...
事后，一位貌似话得事既女经理问我地食后感，佢话厨房揾左另一班人而且呢个钟数入面冇乜人，但果阵只系夜晚8点20分喔，佢好有诚意咁希望我地之后有机会再黎，到时会唔同左咁话。OMG，已经中伏唔敢再去。
总结黎讲，环境好好，服务好好，但人均消费2百蚊真系食元气好过。
Pancake brunch
27 浏览
0 赞好
0 留言
张贴
