鴨子園 (已結業)

原本呢间鸭子园唔开早市，之后我喺Openrice 见到开始有啲粉面早餐$28，所以今日打算试下。点知，无咁平，得啲点心（所以Openrice 信不信由你啦）。都算，试下新嘢。见环境几舒服，装修几有中国特色，又安排我地坐卡座。饭$13，好平，叫咗2个，另外叫咗啲点心。但点心全部唔好食。个菜苖饺望上去好大只，但一食... 原来是皮厚到呢...好淡几乎无调味。另外个小笼包，都好失望。首先卖相唔ok，而且皮好厚，啲肉似是平时菜肉饺的肉，呢啲都叫小笼包？内面的汁都唔多。唔好食。另外叫咗个杂粮糕... um... 似面包多啲。不过都无咁中伏的蒸饭，$13 一个。凤爪排骨饭多材料，但肉饼饭块肉块就好缩水。但千万不要为凤爪排骨黎，因为过咗一阵，隔离台想叫，已经无晒！但心谂，点心有凤爪有排骨，饭唔会无啦，咁点解就无得买「凤爪排骨饭」？叫贵野啦！3个人结帐$153，不是贵，但附近早餐大把选择，而且质素真心一般。