影片
更多
2019-12-14
955 浏览
话说我老婆喺个黄group度发现有人推介呢一间tony's hell, 怀著支持嘅心态谂住食返一餐结婚周年饭. 做咗四五日喺openrice booking. 跟住收到店主嘅whatsapp问我哋食唔食神秘晚餐, 成580蚊加一每位. 谂住食好啲. 到去食𠮶日入内, 虽然间餐厅唔大, 入面有大概十几人嘅普通枱同埋坐四个人嘅吧台, 七点去到𠮶时其实都仲有三成普通枱可以坐, 但去到竟然话畀人book晒, 叫我同老婆坐吧枱, 吧枱又窄又高唔好坐, 当堂想掉头走人, 鬼叫我order咗神秘晚餐, 算啦照食. 基本上服务员的态度都正常, 冇乜问题. 一道菜就嚟咗黑糖包同埋呢个唔知唔知咩嚟嘅嘢, 个包就外脆内软属好食, 𠮶个唔知咩嚟就好似啲饼干皮夹住炸蔬菜, 食完个主厨都有过嚟问我哋讲, 估到佢就话yes, 估唔到佢就会话你知, 最后我哋都系估唔到. 味道ok但唔算好食. 接落嚟饮咗碗绿色嘅汤, 我估应该系绿豆汤再加啲蘑菇咁上下嘅嘢,入面仲有只虾.跟住就食沙律, 上面脆卜卜嘅嘢就类似虾片咁, 但系又唔知系乜,下面系普通沙律菜.但系最忟憎都系呢两碟主菜, 一碟系类似炸寿司嘅物体, 另一碟系意粉薄饼,
一道菜就嚟咗黑糖包同埋呢个唔知唔知咩嚟嘅嘢, 个包就外脆内软属好食, 𠮶个唔知咩嚟就好似啲饼干皮夹住炸蔬菜, 食完个主厨都有过嚟问我哋讲, 估到佢就话yes, 估唔到佢就会话你知, 最后我哋都系估唔到. 味道ok但唔算好食. 接落嚟饮咗碗绿色嘅汤, 我估应该系绿豆汤再加啲蘑菇咁上下嘅嘢,入面仲有只虾.
跟住就食沙律, 上面脆卜卜嘅嘢就类似虾片咁, 但系又唔知系乜,下面系普通沙律菜.
但系最忟憎都系呢两碟主菜, 一碟系类似炸寿司嘅物体, 另一碟系意粉薄饼, 全部都系淀粉质. 仲谂住有下啲扒肉食都冇. 当时佢同我讲系主菜我都o晒嘴, 我承认D菜式系几特别出面都冇得食, 应该用咗好多心思设计. 但系谂起580蚊加一每位, 仲要坐吧枱, 心情即刻低落. 算啦, 神秘晚餐你怨得边个? 至于味道方便, 我又唔觉得太突出.
至于个甜品简直系震慑味蕾, 可以食到甜, 辣, 苦涩, 一次过满足你三个愿望. 佢应该加咗啲威士忌, 同埋辣椒, 左一块几大块嘅金箔. 混合嚟讲都几好食其实. 最后提一提大家个餐系唔包饮品的. 最惨系我后面几台客都食牛扒, 又香又大块, 都系三百几蚊, 自己畀成六旧几水都唔知食咗啲乜. 简直中晒伏.
张贴
