影片
更多
2024-07-25
1840 浏览
超中伏😤！如果你好钟意食泰国菜，我完全唔建议食呢间！我又再一次咗系啲foodie度😓😭😫事缘好朋友生日，谂住食好啲，见到评价都几好，又有生日牌提供，所以就谂住带朋友过嚟庆祝下🍾点知⋯⋯系一个超级唔好嘅体验🤦🏻♀️1. 餐厅服务、甜品售罄预早两星期book定19:30食，亦remark咗希望餐厅会系我哋叫甜品𠮶阵帮手加个生日牌🌸食饭前一日，餐厅都有打电话俾我话OK，仲谂住赞吓餐厅几细心🥹但系当日餐厅19:40先俾到我入座，我一坐低已经想叫定甜品先，点知全部售罄🙂🙂🙂但我满怀希望餐厅有帮我留起🥲🥲我问职员：唔该，请问系咪冇晒窝夫啦？职员拎部机出嚟话：下，system叫唔到咩？（等我仲以为有机会叫啦😍但我多口讲咗句）我：因为我见到写住售罄🥹职员：咁即系冇啰（完）🙂🙂🙂其实𠮶下已经唔太开心，但一场嚟到就费事走，希望佢啲嘢食搭救啦🥹🥹但都系空欢喜一场⋯⋯😑😑😑2. 价钱贵、食物质素未如理想好唔抵食嘅拼盘😤😤😤除咗牛，其他都系普通嘅配料，但系就要$250嘢食又唔新鲜，啲虾黐晒皮、啲菇有臭味、鸡肉又好韧，都唔知自己食紧乜🥲全个拼盘可能最好食系旧菠萝😀😀仲谂住生虾都唔会伏，但我又错啦！🤦🏻♀️啲辣椒粒
事缘好朋友生日，谂住食好啲，见到评价都几好，又有生日牌提供，所以就谂住带朋友过嚟庆祝下🍾点知⋯⋯系一个超级唔好嘅体验🤦🏻♀️
1. 餐厅服务、甜品售罄
预早两星期book定19:30食，亦remark咗希望餐厅会系我哋叫甜品𠮶阵帮手加个生日牌🌸食饭前一日，餐厅都有打电话俾我话OK，仲谂住赞吓餐厅几细心🥹但系当日餐厅19:40先俾到我入座，我一坐低已经想叫定甜品先，点知全部售罄🙂🙂🙂但我满怀希望餐厅有帮我留起🥲🥲
我问职员：唔该，请问系咪冇晒窝夫啦？
职员拎部机出嚟话：下，system叫唔到咩？
（等我仲以为有机会叫啦😍但我多口讲咗句）我：因为我见到写住售罄🥹
职员：咁即系冇啰
（完）🙂🙂🙂
其实𠮶下已经唔太开心，但一场嚟到就费事走，希望佢啲嘢食搭救啦🥹🥹但都系空欢喜一场⋯⋯😑😑😑
2. 价钱贵、食物质素未如理想
好唔抵食嘅拼盘😤😤😤
除咗牛，其他都系普通嘅配料，但系就要$250
嘢食又唔新鲜，啲虾黐晒皮、啲菇有臭味、鸡肉又好韧，都唔知自己食紧乜🥲全个拼盘可能最好食系旧菠萝😀😀
仲谂住生虾都唔会伏，但我又错啦！🤦🏻♀️
啲辣椒粒太多，完全食唔出佢啲酱汁味；啲虾头又炸到硬哂，一啲都唔脆😑
冬阴公浓汁虎虾面，净系食到辣味，食唔到冬阴公嘅酸辣香味🤦🏻♀️
唯一觉得好食少少嘅就系呢碟蟹肉牛油果他他😅
因为好多嘢都售罄，连椰青、青柠梳打都冇😀
所以唯有叫个凤梨梳打试吓，都系好普通，而且都系冇乜凤梨味🥲
3. 员工服务态度欠佳
入座前，明明book咗位，亦都已经够哂钟入，但职员就叫我系门口等🙂
埋单时，一位男同事等紧部机出单，就突然杀出另一位男同事，以为佢帮手执台，但佢只系过嚟吹水😑😑😑只手净系拎住我台面个碟，然后两个职员就系我张台隔离倾偈😓「喂，今晚食唔食宵夜阿」，「唔食啦」，「⋯⋯⋯听日呢？」⋯⋯⋯试下认真少少，尊重一下客人？我哋仲未走架🥲
咁嘅服务都要收服务费，真系唔系好想俾🙂
！！！请大家考虑清楚先嚟食，唔好中伏！！！
张贴
