晴舍 (已結業)

见杂志介绍呢间野讲到点好点靓，即管一试，点知中伏了。叫左9款串烧，鸡翼完全无味，豚肉烧到硬过石头，广岛蚝细只到呢（阴公）， 带子话就话有两只但size扁到根本就系将一只片开变两只（咩料呀？驶唔驶孤寒到咁），最好笑系条银雪鱼，应该系我有生以嚟见到最细最扁嘅银雪鱼（应该都系将一块正常厚度嘅银雪鱼一开为二）。 咁孤寒嘅餐厅真的第1次见。最惨系味道唔掂，救命！另叫左沙律，普普通通。 另外叫左个十胜豚肉煮，哗大开眼界，又系细件到呢，唔知以为自己去左山区揾野食。 除左环境叫做好之外，无一样野系掂。 价钱亦与食物质素不相符，成餐两个人食左600元， 呢个价钱我宁愿去居酒屋，至少质素有保证。 呢间，可一不可再，大家小心中伏。