影片
更多
2014-02-04
6499 浏览
年初二, 烟花夜. 周围揾间有靓境嘅餐厅同家人食饭. THE ONE 望正维港, 又有露台, 个境有保证. 之前去过WOOLOOMOOLOO 同 HARLAN'S, 今次就试下TAPAGRIA. 烟花夜要食SET. 一个星期前订. HKD680+10% per adult and HKD480+10% per child (3yr+). 我六个大人, 两个细路 (其中一个三岁未够. 唔洗俾$). 要一早过全数 HKD5,016 做订金. OK, 无问题. 约好一家人食饭, 睇烟花. 好期待.当晚天朗气清. 又唔冻. 欣赏烟花一流. 我地6:30到齐. 叫左JAR SANGRIA 饮下, 7点先开饭.先上头盘: 呢个系IBERICO HAM, 图是3人份量. MELON唔甜.COURSE 2: Chicken Croquette with Black Truffle 名字不重要. 只食到系炸忌廉球. 无影相.一人两件细细件. 全无伴碟.COURSE 3: Scallop Wrapped with Spanish Bacon. 图是3人份量. 一人两件细细件. 全无伴碟. COURSE
烟花夜要食SET. 一个星期前订. HKD680+10% per adult and HKD480+10% per child (3yr+). 我六个大人, 两个细路 (其中一个三岁未够. 唔洗俾$). 要一早过全数 HKD5,016 做订金. OK, 无问题. 约好一家人食饭, 睇烟花. 好期待.
当晚天朗气清. 又唔冻. 欣赏烟花一流. 我地6:30到齐. 叫左JAR SANGRIA 饮下, 7点先开饭.
先上头盘:
呢个系IBERICO HAM, 图是3人份量. MELON唔甜.COURSE 2: Chicken Croquette with Black Truffle 名字不重要. 只食到系炸忌廉球. 无影相.一人两件细细件. 全无伴碟.
COURSE 3: Scallop Wrapped with Spanish Bacon. 图是3人份量. 一人两件细细件. 全无伴碟.
COURSE 4: Crispy Suckling Pig with Caramelized Apple & Honey Mustard Sauce. 3人份量. 一人两件细细件. 全无伴碟.
食到呢度. 觉得唔妥. 点牙餐. 好似无食过野. 下一道菜已是主菜. 除非个PORTION 大D, 否则唔饱. 于是问WAITRESS可否另叫A LA CARTE. 回覆是, 无. 只可在SET DINNER MENU内点你想要的. 以上全部野单点$20件. 吓?? 食人只车咩? 无样值. 于是放弃. 待上. 睇烟花先.
俾咁多$主要食境. 要好好享受....跟住再要多JAR 其他味道嘅SANGRIA. 再上主菜. 二选一. 可选羊架OR海鲜饭. 我地连细路8人要了4份羊4份海鲜饭. 其中一份是单点MAIN COURSE (HKD124). 上菜, 好失望!
两个主菜. 都用面包碟差不多大小嘅碟上菜. 好细碟. 感觉好小家,好小家, 好小家! 虽然味道尚可 (已俾面. 其实海鲜饭只虾好霉). 卖相真系唔掂. 中伏感觉超浓. 最后甜品: Chocolate Macaroon with Cashew nut Vanilla Ice Cream
又系劲"精致", 系就系好味嘅. 但真系太细. 好似平时响中环食LUNCH 免费赠送果D甜品咁. 唉. 间野真系无呃你. MENU写咩就系咩. 唔会俾多你. 咖啡茶同 面包都欠奉. 食完好想即刻去街边笃鱼旦.... 个餐加野饮(两支水and 两Jar Sangria)加一单点MAIN COURSE, 埋单一共HKD6,051. 有95%去左个境度. 食物每人最多只值一百蚊. 食唔饱. 个境几靓都无用. 请人食饭, 但感觉超寒暄. 亦极揾笨. 唉. TAPAGRIA 我们不会再见了.
侍应工作辛苦. 但中伏感实太深....对不起. 我真系俾唔落额外贴士. 你问老板攞啦!
张贴
