影片
更多
2016-02-15
249 浏览
慢、劣、贵，中伏首选，令我不得不开account写食评。慢：乜都慢；劣：无质素可言，比业余还业余；贵：就份量同质素而言根本唔值，仲要收服务费。每次嚟西贡食，贵就预咗，但至少唔会唔满意同唔饱肚，所以从来都唔睇食评就去食。是晚情人节都唔例外，见呢间装修别致，餐牌同其他餐厅差唔多，于是无睇食评就入咗去坐。坐低，睇完餐牌，叫咗几次，等咗几分钟，老板先得闲落单，算。叫咗两个餐，千层面同pizza(烟三文鱼、吞拿鱼、蘑菇、意大利肉肠)，各$138，跟住就开始咗「慢长」嘅等待。先讲食物，再讲点解等咁耐。首先上咗个沙津，粟米+菠萝，拎上手已经知系罐头产品，不过不失，但都等咗成十分钟先有。跟住上咗餐汤同餐包，其实唔差，但都系𠮶句，要等好耐先有。隔咗都唔知几耐，终于上主菜，pizza整体还可以接受，但用料真系唔值$138，烟三文鱼细粒又少；吞拿鱼系罐头的；蘑菇同肉肠都系咁上下啦。至于千层面真系好业余，细碟之余唔足料，层次感又欠奉，一点诚意同心机都无，只系求其交差了事。其实等嘅时候，都留意到人手不足，一家三个人，有个仲要系细路女，serve成十枱客，根本就无效率可言，由落单到煮到上菜到埋单到执枱到洗碗都系两
每次嚟西贡食，贵就预咗，但至少唔会唔满意同唔饱肚，所以从来都唔睇食评就去食。是晚情人节都唔例外，见呢间装修别致，餐牌同其他餐厅差唔多，于是无睇食评就入咗去坐。
坐低，睇完餐牌，叫咗几次，等咗几分钟，老板先得闲落单，算。叫咗两个餐，千层面同pizza(烟三文鱼、吞拿鱼、蘑菇、意大利肉肠)，各$138，跟住就开始咗「慢长」嘅等待。
先讲食物，再讲点解等咁耐。
首先上咗个沙津，粟米+菠萝，拎上手已经知系罐头产品，不过不失，但都等咗成十分钟先有。
跟住上咗餐汤同餐包，其实唔差，但都系𠮶句，要等好耐先有。
隔咗都唔知几耐，终于上主菜，pizza整体还可以接受，但用料真系唔值$138，烟三文鱼细粒又少；吞拿鱼系罐头的；蘑菇同肉肠都系咁上下啦。
至于千层面真系好业余，细碟之余唔足料，层次感又欠奉，一点诚意同心机都无，只系求其交差了事。
其实等嘅时候，都留意到人手不足，一家三个人，有个仲要系细路女，serve成十枱客，根本就无效率可言，由落单到煮到上菜到埋单到执枱到洗碗都系两个人做晒，所以乜都慢。初头都同情佢哋，都好有耐性等，但见佢哋愈嚟愈慢，到最后我哋杯餐饮要成40分钟先上到，真系乜嘢心情都无，到最后只系觉得老板太贪心，唔尊重客人，已经唔同情佢哋。唔止我哋，隔离枱都由初初笑容满脸变到愁眉苦脸。其实做唔切咁多枱，不如集中serve几枱客好过，一系唔做正餐净做café，又或者只系做几味菜式，都好过好似今晚咁进取，无效率兼无质素，食完唔饱仲要无服务可言，都要$300埋单，真心觉得好伏。
张贴
