東煲西炒 (已結業)

本人 一行四人 于1月 20号，星期六。六点到店， 开头系因为有人介绍话唔错， 就约埋朋友去试食，点知……我哋order咗168蚊鸡煲任食， 点咗一个鱼翅鸡煲！ 佢会跟一个 点心拼盘、 杂锦 火锅料 、海鲜拼盘， 海鲜拼盘有 四只 元贝壳、 三只青口、 四只生蚝、 四只大虾 仲有 啲蚬。 系咪好奇怪呢 ？起初我哋以为𠮶啲元贝壳系用嚟装饰嘅， 之后我朋友去厕所嘅时候 ，经过其他台 见到人哋张枱嘅海鲜拼盘嘅元贝原来系有好大只嘅元贝㗎！ 跟住我哋就揾个侍应问点解 ？佢答我哋 乜有嘢㗎咩？ 跟住我哋叫佢去其他枱睇，佢话系㖞！我帮你入厨房问下啦！ 最后都畀番四只元贝我哋！ 不过当我哋 差不多食晒啲鸡嘅时候要加汤 ，叫侍应系永远冇人应我哋嘅！结果自己攞 嚟 加！ 呢两样嘢我哋都觉得冇乜嘢 ！不过…… 加完汤之后半个钟有多个炉都系唔会滚㗎！ 叫咗三四个侍应 佢净系识搞下个炉 同支Gas再帮我哋点下火 ，因为个Gas炉应该系坏坏哋！要点火先至会著！ 我哋要求 换gas炉或者换枱， 佢哋嘅答案系 冇炉冇枱！ 要求揾经理D侍应就当听唔到， 之后我哋同侍应讲 我哋要走， 佢竟然答我哋你咪走啰 ！O晒嘴！之后