影片
更多
2018-04-07
3032 浏览
朋友介绍话呢间的杏汁菜胆猪肺好好饮，蒸鱼也很好吃，同爸妈同妹去食。我地订咗6点钟，一入到间餐厅，得一张枱有人，即刻个心有d 担心，会唔会中伏。全场咁大，侍应生偏偏带我地去个张有人坐既枱隔离，同佢哋超近，完全系枱贴枱。我心谂，个场咁多吉枱，使唔使咁近呀！跟住我哋嗌𩠌啦， 预先已经订咗个猪肺汤，因为知道佢出名，要早订。 同waiter商量紧食咩嘅时候 ， 有另一个女waiter过嚟，话由佢落单。 佢一来就介绍老虎斑两食，498，好抵架! 一味炒斑球，一味清蒸，我问系唔系一条斑做两味𩠌? 佢话唔系，条斑好大，会分开几份，我心谂都ok啦， 有蒸老虎斑㖞。有2碟鱼，跟住要咗个榄菜排骨，1汤3𩠌，4个人够啦。跟住。。。。中伏一：个猪肺汤好明显系煮或者炖过龙，有啲酸， 我屋企人话，系因为落咗啲火腿，一炖过龙就会酸。中伏二：来咗两碟鱼，炒斑球 ok 正常，不是超好吃，但也不过不失。 清蒸个碟，哇。。。。全部都系鱼骨、鱼头、鱼鳍， 即系起晒鱼肉剩低落嚟个骨攞嚟蒸！劲中伏！我地睇得出佢哋系特别照顾d熟客，佢地会介绍家常菜咯。对新客就想斩你一颈血。绝对冇下次！！！我想话我其实不嬲都唔系好写评论，但今次真系觉
我地订咗6点钟，一入到间餐厅，得一张枱有人，即刻个心有d 担心，会唔会中伏。
全场咁大，侍应生偏偏带我地去个张有人坐既枱隔离，同佢哋超近，完全系枱贴枱。我心谂，个场咁多吉枱，使唔使咁近呀！
跟住我哋嗌𩠌啦， 预先已经订咗个猪肺汤，因为知道佢出名，要早订。 同waiter商量紧食咩嘅时候 ， 有另一个女waiter过嚟，话由佢落单。 佢一来就介绍老虎斑两食，498，好抵架! 一味炒斑球，一味清蒸，我问系唔系一条斑做两味𩠌? 佢话唔系，条斑好大，会分开几份，我心谂都ok啦， 有蒸老虎斑㖞。有2碟鱼，跟住要咗个榄菜排骨，1汤3𩠌，4个人够啦。
跟住。。。。
中伏一：个猪肺汤好明显系煮或者炖过龙，有啲酸， 我屋企人话，系因为落咗啲火腿，一炖过龙就会酸。
中伏二：来咗两碟鱼，炒斑球 ok 正常，不是超好吃，但也不过不失。 清蒸个碟，哇。。。。全部都系鱼骨、鱼头、鱼鳍， 即系起晒鱼肉剩低落嚟个骨攞嚟蒸！劲中伏！
我地睇得出佢哋系特别照顾d熟客，佢地会介绍家常菜咯。对新客就想斩你一颈血。
绝对冇下次！！！
我想话我其实不嬲都唔系好写评论，但今次真系觉得好过分咯！
张贴