喇沙大少 (已結業)

因为见佢嘅碗好传统，所以一行三人一齐黎试吓，点知.....我哋叫咗一个海鲜喇沙，海南鸡喇沙，炒贵匀，另外加6蚊要特饮。喇沙睇落颜色正常，食落浓味都好够，唔辣，面系参参，即系米粉加油面，份量唔系太多，女仔黎讲啱啱好，海南鸡不外如是，有啲鞋口，冇味，一定要点酱先有味，唔似食紧海南鸡。贵匀有几旧虾，鱿鱼，同啲配菜，味道同港式干炒牛河无分别....呢个特饮更加伏, 红豆冰得少少红豆，占成杯嘢十分之一，又无椰汁味，好大可能系花奶，荔枝冰系7喜加3粒荔枝，龙眼冰只有黄糖水味，呢3杯嘢真系饮得好唔底!!个餐送甜品，唔好以为系新加坡甜品，只不过系一件貌似tiramisu 嘅蛋糕仔，好似麻雀咁大，味道好奇怪。今餐真系伏，以后唔会食!呢度有加一服务，埋单每人86左右。