影片
更多
2018-09-10
3669 浏览
朋友回港聚会，梗系揾间坐得舒服，又唔洗限时限刻㗎啦，于是上纲睇睇，呢间合晒条件，仲晌地铁上面，好方便！于是，就订呢间。首先，搭……三部，有一部疑似有问题，六合彩唔见中，呢D又咁好彩中！竟然搭正有问题𠮶部，上上下……格格声，上到24楼(即系呢间酒家),唔开门，格格格……又落返去，好彩20楼开门，我哋秒速出，转咗就冇事喇，终于上到去。地方唔算好大，环境座位舒适，仲有靓景睇，初步有惊喜。服务员态度亲切，虽然有部分员工D广东话……唔容易明，但仍觉亲切。我哋叫咗个六人鲍鱼龙虾套餐……$2880.-另加一，正常。其实，全场得三分一客人，最旺时段，顶多二分一客。不过，上菜……离奇地……慢😅，唔紧要，我哋反正想倾计！但系，等呀等，真系……好慢，我哋七时入席，七时十五分叫莱(仲系套餐)，套餐……快(系常识吧!),我哋最后食甜点，都已经系九点几，真系以为去饮宴😅。讲真，好耐未食过D嘢咁冇质素，除咗个鲍鱼&有少少翅嘅汤还可以之外，其他可以赞嘅，就系服务员态度。如果价钱平一半，咁嘅食物质素，都可以接受，但系埋单系……三仟一百几，我哋六位，唔值啰，或者，一半价钱系睇景观，同买环境倾计啦😥！真系觉得……中
首先，搭……三部，有一部疑似有问题，六合彩唔见中，呢D又咁好彩中！竟然搭正有问题𠮶部，上上下……格格声，上到24楼(即系呢间酒家),唔开门，格格格……又落返去，好彩20楼开门，我哋秒速出，转咗就冇事喇，终于上到去。
地方唔算好大，环境座位舒适，仲有靓景睇，初步有惊喜。服务员态度亲切，虽然有部分员工D广东话……唔容易明，但仍觉亲切。
我哋叫咗个六人鲍鱼龙虾套餐……$2880.-另加一，正常。
其实，全场得三分一客人，最旺时段，顶多二分一客。不过，上菜……离奇地……慢😅，唔紧要，我哋反正想倾计！但系，等呀等，真系……好慢，我哋七时入席，七时十五分叫莱(仲系套餐)，套餐……快(系常识吧!),我哋最后食甜点，都已经系九点几，真系以为去饮宴
😅。
讲真，好耐未食过D嘢咁冇质素，除咗个鲍鱼&有少少翅嘅汤还可以之外，其他可以赞嘅，就系服务员态度。
如果价钱平一半，咁嘅食物质素，都可以接受，但系埋单系……三仟一百几，我哋六位，唔值啰，或者，一半价钱系睇景观，同买环境倾计啦😥！真系觉得……中伏啰😅。
张贴
