樂園魚旦專家 (協和街)

营业中

休息中

今日食完个唔饱又唔值嘅炸鸡餐后，仍然有啲饿，于是落咗车后，行过嚟揾食，由于正值学生放午饭时间，成条协和街都好多人，呢间都唔例外，但听到个收银话有位，又入嚟试吓。之前食过牛腩、牛筋、猪手及丸类，都几对版，今次试下未试过嘅嘢，点知就出事啦！我叫嘅系云吞水饺面，先咬一口水饺，已经唔对路，嚡口嘅，再嚟云吞，一样唔掂，实心得嚟，得啲猪肉，无虾，真揾鬼笨，好在啲面依然爽口无碱水味，个汤有啲大地鱼味，如果唔系，都几难食落去。再食落去，水饺居然有渣，系食唔落要𦧲出嚟𠮶只，完全唔掂，明显竹笋太老身，至于云吞就终于食到虾，但只有一只咁多，而且实肉唔得爽。水饺皮同云吞皮都系一样，死实实，唔得滑。下次要帮衬嘅话，都系要返其他稳阵啲啦！