金加利冰室

营业中

休息中

中晒伏！中晒伏！中晒伏！重要嘅事情讲三次！！！油塘金加利冰室！其实之前openrice 都听过话佢难食，经过见到佢入面都几多人食，而且喺外面闻落去都几香，偏偏唔信邪入咗去食🤣🤣🤣本身都预咗可能有机会伏！首先佢嘅餐汤同蒜蓉包正正常常，我哋就以为应该系普通质素，应该唔会太差…可惜少年你太天真了🤕我哋叫咗一份厚嘅西冷牛扒，切嘅时候发现，点解咁多筋？仲系筋？点解仲有咁多筋？基本上都冇乜点食过，根本咬我唔开，我估食咗2/3系真系牛肉，其他都系筋嘅？？？？讲吓牛肉嘅味道，牛肉味非常淡，根本完全唔系食紧牛扒，基本上冇咩味道….唔知发生咩事😑然之后另一个就系双扒餐，打算应该会好食啲？点知我又系太天真…佢俾咗两块薄牛扒，似乎喺佳宝𠮶啲牛扒，猪肋骨先至经典，啲腌味劲重，真心喺急冻款式嘅金沙骨味…餐厅知唔知咩系西式猪肋骨…仲要劲咸！仲要猪肋骨都系有筋咬唔关….比较正常，就系薯条同埋赠送嘅甜品！意粉都系极度唔正常😐未食过咁淋嘅意粉！只系浸咗水10年淋晒再比人食….不过佢间嘢嘅服务态度都唔算太差，都几有礼貌不过嘢食真系好难食！应该系呢一年嚟，我食过最差嘅一餐之一…难食到吓死人！唔系唔好食，而系难食！#黄怪兽 #