影片
更多
2024-01-23
199 浏览
依家食碗米线一啲都唔平，一碗米线加碟小食，唔包饮品都可能贵过一个包饮品嘅午饭套餐，我呢一餐就系证明。呢一日我就嚟到谭仔，叫咗碗鱼蛋米线（$35），麻辣汤底，由于我唔系好食得辣，所以要2小辣（加$1），加脆肉鲩（加$12），烤猪大肠（$23），一共$71。猪大肠望落颜色好吸引，我亦都畀佢呃咗，以为好好食，但一咬落口就知领嘢，完全中伏。其实细心啲去睇都知同食开嘅炸猪大肠，又叫九转炸猪大肠有分别，炸猪大肠系外肠包内肠，而且肠身薄薄，但佢呢个肠身好厚，所以食落唔系好似炸猪大肠咁样脆身，而系韧口，完全唔好食，虽然加咗附上嘅淮盐，味道会好少少，但咁少淮盐，点够蘸？乜淮盐好贵咩？抑或为咗食客健康著想，所以畀少啲？再讲碗米线，3粒鱼蛋有鱼味，而且弹牙，好食；但加咗$12呢脆肉鲩鱼片就系伏！鱼片居然系呈啫喱奖，而唔系白色，咬落口有啲弹牙，但唔系新鲜鲩鱼应有嘅爽口质感，明显唔系新鲜货，咁嘅质素要$12，完全唔值。下次叫鱼蛋竹笙米线或鱼蛋猪膶米线好过，至少比呢个鲩鱼片好食得多。至于个麻辣汤系唔错，系食到麻、辣嘅感觉，但两小辣对我嚟讲都系太辣，饮咗两啖汤就放弃咗。
呢一日我就嚟到谭仔，叫咗碗鱼蛋米线（$35），麻辣汤底，由于我唔系好食得辣，所以要2小辣（加$1），加脆肉鲩（加$12），烤猪大肠（$23），一共$71。
猪大肠望落颜色好吸引，我亦都畀佢呃咗，以为好好食，但一咬落口就知领嘢，完全中伏。其实细心啲去睇都知同食开嘅炸猪大肠，又叫九转炸猪大肠有分别，炸猪大肠系外肠包内肠，而且肠身薄薄，但佢呢个肠身好厚，所以食落唔系好似炸猪大肠咁样脆身，而系韧口，完全唔好食，虽然加咗附上嘅淮盐，味道会好少少，但咁少淮盐，点够蘸？乜淮盐好贵咩？抑或为咗食客健康著想，所以畀少啲？
再讲碗米线，3粒鱼蛋有鱼味，而且弹牙，好食；但加咗$12呢脆肉鲩鱼片就系伏！鱼片居然系呈啫喱奖，而唔系白色，咬落口有啲弹牙，但唔系新鲜鲩鱼应有嘅爽口质感，明显唔系新鲜货，咁嘅质素要$12，完全唔值。下次叫鱼蛋竹笙米线或鱼蛋猪膶米线好过，至少比呢个鲩鱼片好食得多。
至于个麻辣汤系唔错，系食到麻、辣嘅感觉，但两小辣对我嚟讲都系太辣，饮咗两啖汤就放弃咗。
张贴
