稚

营业中

休息中

见到咁多正评就谂住放工过黎试下，叫咗原条馒鱼定食（$138+$30）鳗鱼上嚟个颜色唔错同埋好厚，本身都好期待，但唔知系咪因为好厚，鳗鱼边缘系热嘅，而中间系冻嘅，我都有啲怀疑鳗鱼系唔系应该冻食，就问返侍应，佢话系应该热食同埋换条比我。等到我碗饭冻晒，第2条馒鱼上嚟，我即刻检查中间系咪冻，点知又系冻嘅！试咗其他位都系咁！真系唔敢相信，咁就同侍应讲，搞到我都有啲尴尬，佢同厨房讲「又冻㖞」就拎返第2条鱼去重新叮热。到第2条鱼第2次送上嚟，见到鱼出烟就觉得好啲，至少系热嘅。食到咁耐发现鱼嘅头尾部份都叮到焦，硬得都唔能够食，我决定放弃再食，决定埋单离开。