三多麵食

营业中

休息中

师傅最近整左个悠长假期, 于是就趁住假期去做一d平时做唔到嘅野啦, 于是就籍著下午茶时间过左中环, 去揾下培哥吹下水, 之后就一条冷去揾个下午茶吃! 但中环区到底有咩好选择呢, 师傅边行边揾, 最后决定揾呢间食店为作为下午茶!入到去冇咩人, 坐底即刻睇下有咩好食, 最后师傅柯打左牛腩云吞米同冻柠茶! 等左一阵就有得食, 先试下汤底, 清清淡淡冇咩味道, 唔吸引; 而米粉煮得有d硬, 唔腍唔好味; 云吞得两粒, 系就系几大粒, 大到好似乒乓波咁, 皮都几薄馅亦甚多, 入口虾身爽口, 不过一d都唔鲜, 而胡椒味亦颇重, 口感都系一般; 而牛腩就柱侯整法, 牛腩炆得就好入味, 加上十分之腍, 少少韧都唔觉, 师傅觉得牛腩好味过云吞! 冻柠茶又几好饮, 茶够冻而且茶味够, 加上唔知师傅系咪口渴, 所以觉得特别好味!总括黎讲食物质素一般, 未算出色, 价钱唔平, 下午茶餐双拼加冻饮, 埋单三十二 , 未算抵食; 不过黎得中区抵食呢两个字真系好难用得著! 是次下午茶笑脸未能一比, 而师傅相信再黎机会不大!