影片
更多
2024-02-02
194 浏览
晚上9点，铜锣湾已无太选择，只有怡和街的麦当劳及后面的面档、点心店。想低消费而有饭落肚嘅只能到点心店嗌个排骨饭。到店坐低，先上壶「茶」比你洗餐具，然后我点了「凤爪排骨饭」和「丝网虾春卷」，盛惠$40/$35，相比其他点心店贵，但考虑地点都了解，只希望质素能相对正常一点。点知中伏嘅过程开始。我洗完碗，斟咗杯「茶」，饮落无味，以为佢比咗壶大排档𠮶啲洗碗用嘅茶叶我，于是问店员可否换壶水仙。点知店员用质疑态度话我：靓仔～呢壶咪水仙啰，铁观音咪即系水仙啰，我哋无其他茶㗎啦～听完我心谂：ok，或者系啲茶未浸出味。10分钟后，再斟一杯，照样无味。𠮶下我真系XXXX。首先，鬼唔知水仙系铁观音咩，叫法嚟㗎咋，然后呢壶淡如水嘅「茶」话系铁观音？重要收我$8茶芥？然后到点心，「排骨饭」无咩特别，不过不失。点知个所谓「丝网虾春卷」上到嚟我真系O咗嘴，完全同我幻想唔同：碟嘢边到丝？学大王话：丝？边X到丝啊，睇过。呢三碌嘢只能够讲系「春卷」，因为佢细碌到我连入面有无虾都唔知，重衰过买现成嘅炸返出嚟卖，重要我比成$35？？最后，只能够讲今次衰在食之前无做Research，无上Open Rice睇食评，原来咁多人中伏
到店坐低，先上壶「茶」比你洗餐具，然后我点了「凤爪排骨饭」和「丝网虾春卷」，盛惠$40/$35，相比其他点心店贵，但考虑地点都了解，只希望质素能相对正常一点。
点知中伏嘅过程开始。
我洗完碗，斟咗杯「茶」，饮落无味，以为佢比咗壶大排档𠮶啲洗碗用嘅茶叶我，于是问店员可否换壶水仙。点知店员用质疑态度话我：靓仔～呢壶咪水仙啰，铁观音咪即系水仙啰，我哋无其他茶㗎啦～听完我心谂：ok，或者系啲茶未浸出味。10分钟后，再斟一杯，照样无味。𠮶下我真系XXXX。首先，鬼唔知水仙系铁观音咩，叫法嚟㗎咋，然后呢壶淡如水嘅「茶」话系铁观音？重要收我$8茶芥？
然后到点心，「排骨饭」无咩特别，不过不失。点知个所谓「丝网虾春卷」上到嚟我真系O咗嘴，完全同我幻想唔同：碟嘢边到丝？学大王话：丝？边X到丝啊，睇过。呢三碌嘢只能够讲系「春卷」，因为佢细碌到我连入面有无虾都唔知，重衰过买现成嘅炸返出嚟卖，重要我比成$35？？
最后，只能够讲今次衰在食之前无做Research，无上Open Rice睇食评，原来咁多人中伏，破坏囇我嘅晚餐。而我本身好少打食评，莫讲话打咁长，但真心唔想其他人中伏。坐低时，眼见佢人流都有，但大多数外国人。或者佢哋嘅食物可以应付到少食点心嘅外国人，但华人？Absolutely Not!!
无咩事下次都系食麦当劳，始终质素有保证。
丝网虾春卷
$35
39 浏览
0 赞好
0 留言
张贴
