火山燒 (已結業)

第一次食到咁失败嘅放题。openrice搜放题，呢间排第一，好评最多，点谂都不会差成咁。无论烧乜嘢都「鞋」到不得了，调味料除咗甜都系甜，poster话两位食有送波士顿龙虾，入座之后又告知提前订座先有，个poster又未提，不想计较咁多咩照食咯，但D生蚝一D都唔新鲜，即使我唔食海鲜，我都见到烧完之后得DD肉，闻落嚟仲要好腥添。蔬果都好易烧㶶，但如果唔驶烧㶶，又不够熟，第一次食到咁硬嘅茄子、水青瓜。海鲜除咗贝类，都冇乜嘢其它，D猪肉牛肉切得又实又柴又冇味，食几嚿都滞喇，根本唔驶食其它嘢噜。真系食到成肚气，其实都唔理解点解会排行第一，我都见到有十嚟条评价都同我感受一样㗎，呢个app真系冇水份咩？仲有饮品，明明写咗20蚊/位，我唔钟意饮甜嘢，都冇饮到，照收。话我同行者有饮，所以都要计。呢D系咩道理。总之一定唔会嚟多次。